Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Berisha: Rama vjedh më shumë se gjithë hajdutët e Shqipërisë së bashku

Politiko 5 Maj 2023, 19:44

Berisha: Rama vjedh më shumë se gjithë hajdutët e

Kryedemokrati Sali Berisha ka zhvilluar këtë të premte një takim elektoral në Fushë Krujë së bashku me kandidatin e koalicionit “Bashkë Fitojmë” për bashkinë e Krujës, Agron Loka.

Berisha u shpreh se janë shumë të paktë ata të cilët mund të thonë sot se jetojnë mirë, dhe të tillë janë vetëm ata të cilët janë të lidhur me pushtetin.

Berisha ka shtuar se kryeministri Edi Rama ka përqendruar të gjithë pushtetet në duart e tij dhe se quan arritje që në vend nuk ndërron jetë askush nga uria, në vend që të pretendojë t’u sigurojë qytetarëve një jetë normale.

“Kandidati ynë do shkrijë energjitë e tij për të ndryshuar për mirë bashkinë dhe jetën tuaj. Të gjitha pushtetet sot janë të përqendruara në duart e Ramës.

Keqësia e tij shpirtërore rrezatohet në jetën e fëmijëve tanë, në jetën e të rinjve tanë, në mirëqenien e familjeve tona.

Më 14 maj votohet për të zëvendësuar zhgënjimin me shpresën. Cilido shqiptar që në 8 viteve ndjehet se është ekonomikisht më mirë, i them, vijo rrugën e voto Ramën, por sot ata të cilët mund të pohojnë një gjë të tillë janë shumë të paktë, një rreth i ngushtë i qeveritarëve, qendror apo vendor, grupet e malavitës të lidhura me pushtetin.

Asnjë prej tyre nuk i afrohet kurrë kriminelit në parlament që i mbron ata e që pasurohet prej tyre, që vjedh, ministrit apo kryeministrit që ju vjedh në shumë dhjetëra herë më të mëdha se gjitha bandat e hajdutët e tjerë të Shqipërisë të marra së bashku.

Ka hajdut që vjedh 100 mijë-1 milion, por ka edhe një kryeministër që firmosur për 430 mln paratë tuaja. Nuk ekziston asgjë nga ato për të cilat është firmosur.

Kryeministër që blen 4 mln euro një vazo druri se ja ka ënda syve të tij. Keni kryetar bashkie që u thotë shqiptarëve kam mbjellë 1 mln pemë. Sa ka vjedhur ai, nuk kanë vjedhur të gjithë hajdutët e Shqipërisë së bashku.

Erdhi me zotimin se do heqë taksën për ushqime, vetëm me shpenzimet për bordet komuniste secili prej jush nga 2021-2022 ka shpenzuar 430 mijë lekë më shumë për ushqime.

Rama në 1 nga 2 fjalime thotë në vendin tonë nuk vdes njeri urie. Logjikë e turpshme. Nuk është puna të vdesë njeri urie por të jetojnë si njerëz”, tha Berisha.

Të fundit