Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Berisha nga Saranda: Firmat e Kuvendit e verbuan Bashën, e ka pushtuar frika dhe tmerri

Politiko 12 Nëntor 2021, 17:48

Berisha nga Saranda: Firmat e Kuvendit e verbuan Bashën, e ka pushtuar

Nga ‘Foltorja’ e Sarandës, ish-kryeministri Sali Berisha tregoi se firmat e mbledhura për Kuvendin Kombëtar e kanë verbuar selinë blu, e sidomos kreun e saj Lulzim Bashën. Berisha theksoi se firmat janë garanci për një opozitë më sovrane dhe fitimtare.

"Asgjë nuk mund të ndalë uraganin e Foltores. Pak ditë më parë 4200 firma u depozituan, që të gjitha me emër, mbiemër, me funksione, me firmën, me numrin e kartës së identetit dhe anëtarësisë në PD nga delegatët e Kuvendit. E paimagjinueshme. Drita e tyre e verboi selinë, kryetarin e saj, kryetarin pa parti, apo njeriun që është ndryn në katër muret e dhomës së tij. Atë e ka pushtuar në të gjithë qenien e tij një frikë e tmerrshme. Nga kush? Jo nga pushteti, se me pushtetin është në ujdi, por nga ju. Por nga i buron kjo frikë nga ju? Ju jeni njerëz të civilizuar, e keni pritur dhe e keni përcjellë. Por ai e di që ju nuk pranoni kurrë pazaret me Edi Ramën, shndërrimin e pluralizimit politik në pluralizëm fasadë, që nuk pranoni të shkalmohet sovraniteti i forcës politike, sepse jeni të bindur se një opozitë jo sovrane nuk vjen kurrë në pushtet, por mbetet vasale e një pushteti që degradon çdo ditë e më shumë në honet e narkoshtetit. Janë këto arsyet se pse kryetari peng ka frikë dhe tmerr e nuk takohet dot me tre prej jush të paktën. Dhe tani së fundi, këtë frikë që ka nga ju ai e demonstroi në mënyrë primivite, se njerëzit primitivë jetonin me frikëra të ndryshme, tani frika e tij e madhe janë firmat tuaja. Tmerri, jo vetëm i atij, por tmerri i kreut të meduzës, janë firmat tuaja, tmerri i mafies së Soros i cili kishte parashikuar shkatërrimin e forcës konservatore në Shqipëri. Janë firmat tuaja garancia më e madhe e një opozite vigane, sovrane dhe së shpejti fitimtare. Do bëjnë mirë të çlirohen nga frika. Nuk janë firma që ngjallin frikë", u shpreh Berisha.  

Të fundit