Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Berisha: Pallati i Brigadave rrezikon të mbushet me kulla. Plani ynë për Tiranën, ndërtime 5-8 kate

Politiko 27 Korrik 2022, 21:10

Berisha: Pallati i Brigadave rrezikon të mbushet me kulla. Plani ynë

Kryedemokrati Sali Berisha ngre alarmin se Pallati i Brigadave në Tiranë rrezikon të mbushet me kulla.

Duke folur në një takim ku u diskutua për shkatërrimin e trashëgimisë kulturore, Berisha e ka quajtur fenomenin një batërdi që i bëhet identitetit të Tiranës.

“Ne kemi patur një projekt me kooperacion italian, është trashëgimi e periudhës së tyre dhe ka qenë një projekt 8-11 milionë euro për restaurimin e tij. Tani nuk flitet më, sepse praktika është është shkatërroje që ta transformosh.

Nuk kam dëgjuar të flitet për një projekt që kooperacioni italian ishte tërësisht i angazhuar, siç ka qenë Teatri, siç kanë qenë të gjitha. Do pësojë edhe ai fatin nëse vazhdohet në këtë mënyrë, pra një tjetërsim, do mbushet me kulla, me klube. Për ne kjo është një batërdi që i bëhet identitetit të Tiranës. Do bëjmë gjithçka të shpëtojmë aq sa mundemi. Me këtë valë të fuqishme shkatërrimi dhe transformimi, gjurmët e trashëgimisë po zhduken dhe do të zhduken”, tha Berisha.

Berisha foli edhe për planin urbanistik të PD për Tiranën që parashikonte ndërtime 5-8 kate, ndryshe nga Rama që sipas tij ngriti kulla 35 kate.

“Kemi patur një plan urbanistik për Tiranën. Ai plan u bë. Edi Rama nuk e bëri për 11 vjet se nuk donte. U bë për dy vite. Kishte të përcaktuara nga 5-8 kate ndërtimet dhe sot aty ku kanë qenë të caktuara 5 kate, janë 35 kate. Por plani, unë di persona që kërkonin të rrisnin ndërtimit nga 7 në 8-9 dhe nuk bëhej. Plani ka qenë qartësisht i përcaktuar. Nuk ishin të përcaktuara kullat. Nuk kishte asnjë hapësirë për kullë, por për pallate deri 8 kate dhe të tjerët më pak”, tha Berisha.

Të fundit