Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Berisha: Rama mbylli hetimin për Salvator Kaçin, Armando Prenga është i lirë edhe pse dhunoi veteranin e PD-së

Politiko 24 Maj 2023, 13:39

Berisha: Rama mbylli hetimin për Salvator Kaçin, Armando Prenga

Sali Berisha mblodhi grupin Parlamentar të Partisë Demokratike, ku iu rikthye zgjedhjeve lokale të 14 majit. Ai deklaroi se gjithçka drejtohet nga Edi Rama, ku u ushtrua një terror policor dhe gjithashtu nga administrata.

Berisha tha se kryeministri mbylli hetimin për Salvator Kaçin me qëllim që t’i thoshte policisë që të prishte çdo provë.

"Çfarë po ndodh tjetër? Gjithçka drejtohet nga Edi Rama. Është ushtruar një terror i egër policor dhe jo vetëm policor, por edhe nga administrata e shndërruar në polici politike në mbarë vendin. Diku, diku me akte mundësisht vdekjeprurëse. Bernard Ndrecës duan t’i inauguronin fushatën duke i marrë shpirtin në Va të Dejës."

"Dy ditë përpara votimit, avokatit të nderuar, një mbështetës veteran i PD-së në zonën e Kurbinit, grupi kriminal i ish-deputetit Armando Prenga, vetë Armando shkon i thotë: mos u merr me zgjedhjet. Këtij njeriu të nderuar, ditën e diel, në krye të detyrës, krimineli Prenga i dërgon vëllain dhe e godasin në kokë, në brinjë dhe e shtrijnë përtokë."

"Ku janë këta? Të lirë, pa u hyrë ferra në këmbë. Stiven Faqolli, djalë 22 vjeç, komisioner në Përrenjas, goditet barbarisht nga kryeplaku dhe i biri, në qendër të votimit, përgjaket. Ku janë agresorët e tij? Të lirë pa asnjë gajle, i mbron Edi Rama."

"Po jap rastet flagrante. Salvador Kaçi, një figurë kombëtare e sportit në Shqipëri dhe një eksponent i rëndësishëm i PD-së, qeveritar vendor e me radhë, i dalin vrasësit me maska në mes të rrugës, duke pasur edhe djalin me vete. Arrin me një manovër të shoferit të shpëtojë këtij atentati."

"Nis një hetim edhe për faktin se i biri i tij ka nënshtetas amerikan. Por çfarë bëhet me hetimin? Hetimin e mbyll Edi Rama, i cili e quajti trillim, pretendimin se Salvador Kaçit. Cili është qëllimi? T’u thotë policisë dhe prokurorisë prishni çdo provë.
Nuk ka marrje në mbrojtje më të hapur se kjo të kriminelëve."

Të fundit