Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Berisha: Zonjat e nderuara janë luftëtare të pamposhtura kundër këtij regjimi dhe kanë një meritë të jashtëzakonshme

Politiko 29 Mars 2025, 11:28

Berisha: Zonjat e nderuara janë luftëtare të pamposhtura

Kreu i Partisë Demokratike, Sali Berisha, gjatë fjalës së tij në Konferencën Ndërkombëtare me temë 'Fuqia e Grave në Politikë', ka theksuar rëndësinë e rolit të grave në luftën kundër regjimit të aktualshëm dhe ka vlerësuar zonjat e pranishme si luftëtare të pamposhtura që kanë luajtur një rol të jashtëzakonshëm në betejën për liritë dhe të drejtat themelore.

Lideri i opozitës kujtoi angazhimin real për mbrojtjen e lirisë dhe të drejtave të njeriut gjatë viteve 1990-1992, periudhë kur kishte një interes të madh për Shqipërinë dhe për Shqipërinë në Europë. Ai theksoi se, megjithatë, sot këto çështje janë lënë në hije, dhe shumë raste të shkeljeve të të drejtave të njeriut po mbyllen pa reagim.

Berisha: "Në rast se në vitet 1990-1992, siç e theksoi e nderuara Doris Pack, në Europë kishte një interes real për liritë dhe të drejtat themelore, organizoheshin konferenca, flitej në mënyrë të vazhdueshme, sot nuk flitet shumë për liritë dhe të drejtat themelore të një kombi që vuan një narkodiktaturë. Sot, rastet konkrete mbyllen me një formulë bizare, nuk komentojmë për raste konkrete. Pra, i theksova këto momente, sepse këto janë gjëra tashmë të njohura. Por këto zonja të shihni këtu janë luftëtare të pamposhtura kundër këtij regjimi dhe kanë një meritë të jashtëzakonshme.

Në momentet më të vështira këto nuk kanë ngurruar që të dalin ballë për ballë. E theksova për të shprehur mirënjohjen ndaj jush sepse nuk ka qenë kjo situatë në presidencën tuaj dhe fakti që zgjodhët Shqipërinë për të organizuar këtë ngjarje, është një mbështetje shumë e madhe për ne. Unë do doja të thoja disa fjalë të tjera, por u kërkoj mirëkuptimin tuaj, sepse sot në Shqipëri kurorëzohet udhëheqësi i Kishës Ortodokse dhe kjo është një ngjarje e madhe për kombin, pasi paraardhësi i tij shkoi në amshim. Dhe më duhet të jem i pranishëm në ceremoninë e kurorëzimit të kryepeshkopit, ndaj dhe u kërkoj ndjesë dhe dua të largohem. U falënderoj shumë për praninë," tha Berisha.

Të fundit