Debat në mbledhjen e grupit, Basha: S'do shkrij PD-në për interesat e Berishës. Nuk hedh në votim asnjë vendim të SHBA

Zbardhen debatet në mbledhjen e grupit parlamentar të Partisë Demokratike.

Në fokus të debateve ka qenë vendimi i kreut të PD, Lulzim Basha për përjashtimin e ish kryeministrit Sali Berisha nga grupi parlamentar pas shpalljes së tij ‘non grata’ nga SHBA.

Gjatë debateve me deputetët, Basha ka deklaruar se nuk do lejojë mbledhjen e Kuvendit, duke u shprehur se nuk do të hedhë në votim vendime të qeverisë amerikane.

Deklarata e Bashes erdhi pasi Albana Vokshi dhe Edmond Spaho janë shprehur se nëse duhet të kthehet apo jo “Berishizmi” e vendos Kuvendi dhe anëtarsia.

Po ashtu, Basha ka deklaruar se pa SHBA-të, PD do të shkrihej, ndërsa ka shtuar se nuk ka ndërmend që për interesat e Berishës të shkrihet Partia Demokratike.  

Pjesë nga debatet e zbardhura:

Lulzim Basha: Nuk e kam parë të arsyeshme të reagoj kundër spekulimeve, gënjeshtrave e shpifjeve të ulta ndaj meje me të cilat po bombardohet prej disa javësh anëtarësia e partisë demokratike dhe opinioni publik. E kam përjashtuar dhe vazhdoj ta përjashtoj nga axhenda ime investimin e kohës dhe energjive në shfaqje publike me “me the, i thashë, e me tha” brenda llojit, që nuk bëjnë gjë tjetër veçse ndryshojnë natyrën e përballjes politike në Shqipërinë e sotme të njëmijë e një problemeve dhe halleve që kanë qytetarët e thjeshtë: nga përballje të  opozitës me qeverinë e shndërrojnë në hidh e prit të ish kryetarit historik Sali Berisha me kryetarin e rizgjedhur vetem para kater muaj me parimin një anëtar një votë, që jam unë. 

Ketë  kënaqësi apo dhuratë, Edi Rama me bandat e tij nuk do ta ketë kurrë nga unë.  Unë e refuzoj arenën ku më ftojnë spekulimet dhe shpifjet e ricikluara të listës tetëvjeçare apo 16-vjeçare të kundërshtarëve të mi politikë në partinë socialiste, që sot  i recitojnë të zemëruarit  dhe të keqkuptuarit me vendimin  tim për largimin e Sali Berishës nga grupi parlamentar i PD-së me kërkesën  e SHBA për shkak të shpalljes së tij non gratta prej tyre.  E kam  shpjeguar  kontekstin dhe barrën e këtij akti ditën që e  shpalla. 

Dua të përsëris sot se sa të jem unë kryetar i PD-së nuk do të pranoj të hedh në votim në asnjë forum të partisë demokratike vendime të qeverisë dhe institucioneve amerikane kundër deputetëve a të zgjedhurve të kësaj partie. Edhe sikur  të jem unë i godituri i këtyre vendimeve. Nuk do të pranoj e lejoj akte që çojnë në izolimin e Partisë Demokratike nga aleati ynë strategjik dhe mirëbërësi më i madh në histori i  Shqipërisë, Kosovës dhe kombit shqiptar, që janë SHBA. 

Izolimi nga SHBA është vdekja e Partisë Demokratike. Rrjedhimisht është vdekja për një periudhë jo të shkurtër e shpresës së shqiptarëve

Luan Baci: Ne deputetet qe kemi marre pjese ne foltoret e Berishes, po shihemi ndryshe nga PD, e po ashtu s’po marrim pjese ne komisionet hetimore parlamentare. 

Grida Duma- Bacit: Edhe pse te kam mik, dhe do te te kem, une nuk mendoj se duke share njeri-tjetrin ne do te bashkohemi. 

Flutura Acka: Une shkoj ne takime ne Elbasan, dhe me pyesin: Je me Berishen apo me Bashen. Kjo eshte e pafalshme. Duhet ti bejme nje pyetje vetes te gjithe: A duhet berishizimi te rikthehet ne PD? Une mendoj se PD duhet ti kthehet ndryshimit. 

Vokshi: Nuk jam dakord qe ketu te diskutohet per berishizmin, nese duhet te kthehet apo jo, sepse kete gje e vendos anetaresia. 

Edmond Spaho: Amendamentet per ndryshimet kushtetuese s'mund te vine vetem per firme, pa u diskutuar. Ketu duhet te vendose Grupi Parlamentar dhe Keshilli Kombetar. 

Gaz Bardhi: Ketu ka nje grup juristesh qe kane përgatitur materialin. Jane përgatitur nga juristet e PD-se, dhe do te diskutohen edhe ne komisionin e ligjeve (me anetaret e PD-se). 
Grupi parlamentar vendos politikisht, ndersa juristet vendosin teknikisht dhe profesionalisht. Keshtu na i ke sjelle edhe ti keto materiale, vetem per firme. 

Spaho: Kam bere shume gabim qe i kam sjelle keshtu. 

Basha: Une nuk kam folur dhe jam akuzuar se pse nuk flas, edhe pse vij nga fisi i fjales, qofte nga Basha, qofte nga Hoti (nena). Nuk kam dashur ti hedh kripe plages, edhe pse statuti ma njeh kete te drejte qe vendosa per Berishen, por edhe fakti qe ska as 3 muaj qe jam votuar kryetar me referendum.
Nuk kam ndërmend te largohem nga Kryetari i PD-se, deri ne përfundim te mandatit, vetem nese Zoti vendos ndryshe. 
Vendimi ka qene i vështire, por une nuk kam ndërmend te coj per votim asnje vendim qe bie ne kundërshtim me vendimet e DASH. 
Pa mbështetjen e SHBA, PD shkrihet.  Une s'kam ndërmend qe per interesat e Berishes te shkrij PD-ne. Ai po kerkon te bunkerizoj PD-ne, per interesat e veta. 
Mashtrimet, fyerjet, denigrimet, qe deri dje i përdorte PS ndaj meje, ka nje muaj qe i përdorin te mërziturit me Partine Demokratike, pas shpalljes non grata te Berishes.