Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Deklarata e Gonzatos për revoltën e opozitës, Bozdo: Gjuha e drunjtë standard nuk i shërben më Shqipërisë

Politiko 1 Tetor 2024, 13:40

Deklarata e Gonzatos për revoltën e opozitës, Bozdo: Gjuha e

Anëtari i Kryesisë së Partisë Demokratike, Eno Bozdo, ka reaguar ashpër ndaj deklaratave të Ambasadorit të Bashkimit Evropian në Shqipëri, Silvio Gonzato, pas ngjarjeve të fundit në Kuvend.

Në një qëndrim të qartë dhe kritik, Bozdo ka vënë në dukje se ambasadori përdor një “gjuhë të drunjtë” dhe se nuk po adreson problemet e thella me të cilat përballet opozita dhe Shqipëria në tërësi.

Në reagimin e tij, Bozdo ka theksuar tre çështje kryesore të diskutuara nga Ambasadori Gonzato, duke i kundërshtuar hapur qëndrimet e tij.

Reagimi:

Ambasadori i BE-së në Shqipëri, zt.Silvio Gonzato, në reagimin e tij të sotëm për ngjarjet e djeshme në Kuvend, iu referua tre çështjeve të cilat detyrojnë moralisht opozitën t`i shmangë aktet e “dhunës”:
1. Sipas tij, arrestimi me proces të montuar politik i një deputeti të opozitës është “..një cështje tjetër..”, që s`ka lidhje me punën e Kuvendit, i cili sipas z. Ambasador, ka punë më të rëndësishme për të trajtuar…”.
Në fakt, reforma në drejtësi, ku BE është financues shumë i rëndësishëm, po tregon qartazi se ka dështuar plotësisht dhe se po përdoret në shumë raste si kamzhik politik kundër opozitës;
2. Sipas tij, Shqipëria “..është një demokraci funksionale..”, duke “harruar” se një vend aspirant për BE, në të cilin:
a. Opozita persekutohet dhe goditet politikisht çdo ditë,
b. Kushtetuta dhe ligjet shkelen haptazi;
c. Krimi organizuar mban peng qeverinë;
d. Që prej një dekade, zgjedhjet vidhen, manipulohet dhe se standardi i tyre është në përkeqësim drastic (OHDIR;
e. korrupsioni është përhapur në një masë te pakontrollueshme, në të gjitha nivelet e qeverisjes, si dhe,
f. Qeveria kontrollon të gjitha pushtetet, me përjashtim të krimit të organizuar
.
nuk mund të jetë kurrë një vend me “..demokraci funksionale..”
3. “…dhuna nuk është zgjidhje..” -shprehet zt Ambasador. Por cfarë mund të thotë Ambasadori për dhunën e përditshme të cdo segmenti shtetëror ndaj opozitës, për dhunën e përditshme ndaj atyre që kërcënohen me bukën e gojës, për dhunën ndaj atyre që mendojnë ndryshe nga qeveria. Kjo është dhuna më e tmerrshme, më zhbërëse, që është instaluar plotësisht në Shqipëri, edhe me bekimin e ndërkombëtarëve që i dinë faktet, por heshtin për arësye që ata i dinë..”
Zt Ambasador, gjuha e drunjtë standard nuk i shërben më as Shqipërisë dhe as shqipëtareve. E vërteta po. Dhe ajo kërkon ndershmëri dhe guxim ta shprehësh!