Flash News

Ditari i Opozitës

Denoncimet e Berishës: Kompania EMS kërcënon me arbitrazh, menaxheri i Emmar është dhe i Bashës

Denoncimet e Berishës: Kompania EMS kërcënon me arbitrazh,

Në mbledhjen e grupit demokrat, Sali Berisha ka folur për të ashtëquajturën aferë e Portit të Durrësit. Ai e ka konsideruar aktin më madhor të krimit ekonomik të një organizate të strukturuar kriminale.

Berisha bëri me dije se ndryshe nga çfarë deklaroi, menaxheri i Emmar vijon të jetë edhe menaxheri i komanisë së Lulzim Bashës dhe se nuk është larguar nga kjo e fundit.

Sipas Berishës, kjo dëshmon se Edi Rama dhe Basha janë bashkë në këtë projekt, të konsideruar korruptiv.

“Çështje tjetër, jashtëzakonisht e rëndësishme e rendit të ditës është afera mafioze, korruptive në historinë e Shqipërisë dhe të Europës, porti i Durrësit. Porti i Durrësit përbën aktin më madhor të krimit ekonomik të një organizate të strukturuar kriminale, me të cilin shqiptarëve u grabitet pasuria e tyre kombëtare numër një.

Përbën aktin mafioz, me të cilin Edi Rama shkriu aksionet dhe me ish-kreun e opozitës, për t’i bërë gjëmën shqiptarëve dhe pluralizmit politik.

Përbën aktin, dhe kur e them këtë, duhet të sqaroj shqiptarët se kur mediat njoftuan se menaxheri i Emaar dhe menaxheri i kompanisë familjare, Basha, ishte i njëjti person, çfarë ndodhi?

U them këtu atyre që thonë se po bëjnë politikë, nuk po bëj politikë, ky menaxher doli e tha se dhashë dorëheqjen nga kompania Basha.

I pari, unë e besova që dha dorëheqjen. Por unë dhe të gjithë ata që besuam se kjo ndodhi, gabuam. Sepse pikërisht kjo nuk kishte ndodhur. Ky ishte një mashtrim, sepse një muaj më vonë, ky dopio-menaxher, u gjet se vazhdonte punën në kompaninë Basha.

Menaxheri nuk dha dorëheqje nga Emaari, nuk deklaroi se do dorëhiqej dhe do mbetej menaxher i Bashës. Por pas një muaji ai vazhdonte menaxher i të dy kompanive.

Ky përbën një akt shekspirian në kuptimin e gllabërimit të opozitës. Të kreut të opozitës. Me një aferë të tmerrshme mafioze”, u shpreh Berisha.

Ky i fundit denoncoi se kompania gjermane EMS i është drejtuar me një letër Parlamentit shqiptar. Sipas Berishës, kompania ka një kontratë 35-vjeçare për kalatën lindore të portit të Durrësit dhe marrëveshja që kanë nënshkruar bie ndesh me projektin e Portit të Durrësit.

Më tej shtoi se kompania po me arbitrazh dhe rrezikohet një gjobë 200-300 milionë euro që do të paguhet nga taksat e shqiptarëve.

“Kompania konstaton se qeveria apo binomi Rama-Balluku po mashtrojnë. Sipas relacionit shpjegues, të projektligjit, aktiviteti i portit të Durrësit, as nuk do ndërpritet dhe as pengohet gjatë zhvillimit të projektit.

Kompania thotë se gjuha e relacionit, edhe pse e paqartë, nuk është në dijeni të një afati kohor brenda të cilit qeveria shqiptare është në gjendje të ndërtojë një port të ri.

Sipas kontratës, EMS thotë se ruan të drejtën që të marrë masa ligjore për përfundim të parakohshëm të kësaj kontrate, që mund t’u kushtojë shqiptarëve 200-300 milionë euro pa asnjë hezitim.

Shqiptarët do paguajnë haraçin, përveç 2 miliardë për portin e ri, do paguajnë edhe gjobat e tmerrshme”, u shpreh Berisha.

Të fundit