Deputetët e Komisionit Hetimor “zbarkojnë” në inceneratorin e Tiranës, Tabaku debat me drejtorin teknik

Deputetët e Komisionit Hetimor kanë shkuar ditën e sotme pranë inceneratorit të Tiranës. Kryetarja e komisionit, Jorida Tabaku ka debatuar me drejtorin teknik pranë këtij inceneratori. Ajo ka kërkuar të takohet administratorët e impiantit të përpunimit të mbetjeve, ndërsa punonjësi i është përgjigjur se nuk i njeh.

Tabaku u shpreh se në atë impiant nuk kryhet proces incenerimi dhe se ngjason si landfill. Tabaku dhe deputetë të tjerë të opozitës i drejtuan drejtorit një sërë pyetjesh, për të cilat nuk morën përgjigje konkrete.

Debati mes tyre:

Jorida Tabaku: Më hoqe mallin e Ermonlës. Ku ndodhen Klodian Zoto, Mirel Mërtiri

Drejtori Teknik: Nuk i njoh

Jorida Tabaku: Nuk i njeh, kush janë administratorët?

Drejtori Teknik: Giuseppe Ciaffaglione dhe Arjola Kodra

Jorida Tabaku: Erdhëm që erdhëm, thamë mos gjejmë gjejmë kriminel

Drejtori Teknik: Faleminderit që erdhët

Jorida Tabaku: Unë kam ardhur po kam një eksperiencë të keqe, se më rrethuan makinat

Drejtori Teknik: Ne jemi të hapur të ndjekim çdo detyrimin kontratual për respektimin e kontratës

Jorida Tabaku: Sot arritëm në konkluzionin, që këtu nuk kryhet incenerim, mund të ketë bojatisje, akacie, kodra me pemë, por procedura për të cilën kjo procedurë është kryer, djali drejtuesi teknik me shumë xhentilesë na shpjegon që kryhet një proces për menaxhimin embetjeve që është profesional, por kjo kontratë koncesionare sot për ne nuk po zbatohet, ajo që ndodhi në Fier që nuk ka incenerator, nuk ka as në Tiranë, ka landfill, po jo proces incenerimi.

Drejtori Teknik: Është në fazë ndërtimi dhe është brenda afateve të ndërtimit

Ina Zhupa: E keni marrë lejën në 2019, ku jeni me punimet, sa është data sot, Jemi në 2020. Kush është procesi që kryeni

Drejtori Teknik: Është i raportuar në të gjitha institucionet shtetërore, shkarkohen mjetet, bëhet diferencimi i mbetjeve, karton, plastik, metale, ndodh pas shpinës tuaj.

Jorida Tabaku: Nga cilat Bashki vijnë mbetjet

Drejtori Teknik: Tiranë Durrës dhe Kavajës

Jorida Tabaku: Sa ton bëni në ditë

Drejtori Teknik: Është variable, nuk ka një shifër fikse

Jorida Tabaku: Kur duhet të përfundojnë punime

Drejtori Teknik: Faza ndërtimore është 6 vjet, dhe ka nisur punimet nëntor 2020

Jorida Tabaku: Tarifa është e integruar duke përfshirë edhe incenerimit dhe shitjen e energjisë, po merrni një tarifë që nuk ndodh, po ju jeni duke u paguar

Drejtori Teknik: A biem dakord që jemi në fazë ndërtimore

Jorida Tabaku: Veliaj ka shtyrë marrjen e lejes për inceneratoritn e Tiranës, ndërkohë që ju paguheni. Jemi në shkelje të kushteve të kësaj kontrate, përvec faktit që është një afere korruptive.

Jorida Tabaku: 850 ton mbetje në ditë administrohen pas nesh, nuk e besoj që ka nevojë për shpjegim që na kanë kushtuar 35 mln euro kjo pajisje. Është një aferë korruptive, nuk po diskutojmë godinën e bukur, por se si po zbatohet kjo kontratë, si është firmosur, a janë shkelur ligjet e shtetit

Ina Zhupa: Bashkia e Tiranës paguajnë edhe një kompani që ka disa kosha me ngjyra që parashikojnë ndarjen e mbetjeve në burim, ndërkohë mund ta shikoni që nuk ka ndarje të diferencuar. Ajo që po ndodh në këtë landfill është që materialet të groposen, me qëllim që nëse nuk kapen nga SPAK, të mund të bëhet incenerimi. Ne paguajmë 55 euro për pastrimin e qytetit dhe 41 euro për depozitimin në Sharrë dhe paguajmë për një shërbim që nuk e marrim.

Më herët, Komisioni Hetimor i Inceneratorëve ‘përplasi’ maxhorancën dhe opozitën për procedurën e koncesionit për inceneratorin e Tiranës. Kryetarja e komisionit Jorida Tabaku pohoi se deputetja dhe nënkryetarja e këtij komisioni, Ermonela Felaj, ishte përfshirë në procedurën e firmosje së kontratës koncesionare, çka bënte sipas saj të ishte në konflikt interesi.