Flash News

E zë poshtë kamioni, humb jetën mekaniku në Kurbin

Pse janë më anti-Metë se Rama “Aliebeaj & Co”

'Regjistrimi në zgjedhjet e 14 majit'/ Berisha ankimon në Kolegjin Zgjedhor vendimin e KAS

I akuzuar për rrëmbimin dhe vrasjen e Jan Prengës, Apeli lë në burg përjetë Festim Bexhdilin

U arrestua se i merrte ryshfet qytetarëve për pronat, SPAK ‘zbërthen’ akuzat për punonjësin e Kadastrës

Ditari i Opozitës

Deputetja përkujton viktimat e holokaustit dhe masakrën ndaj çamëve të Paramithisë: Moment reflektimi

Politiko 27 Janar 2023, 10:15

Deputetja përkujton viktimat e holokaustit dhe masakrën ndaj

Sot është Dita Ndërkombëtare të Holokaustit. Deputetja demokrate Ina Zhupa e kujton këtë ditë jo vetëm në nderim të viktimave, por thekson se 27 janari duhet të shërbejë edhe si moment reflektimi për të gjitha viktimat e shtypjes e gjenocidit vetëm sepse ishin të ndryshëm nga tjetri në pushtet.

Teksa vë theksin te roli i Shqipëri për mbrojtjen e hebrenjve, ajo sjellë në vëmendje edhe tragjedinë e vitit 1944, të dhunës ndaj çamëve të Paramithisë.

“Është kjo një ditë jo vetëm përkujtimi e nderimi për viktimat e asaj zezone të pashembullt dhe kujtimin e jetëve të shuara të tyre, por edhe moment reflektimi për të gjitha viktimat e shtypjes e gjenocidit vetëm sepse ishin të ndryshëm nga tjetri në pushtet.

Ne si shqiptarë, në mbarë trojet tona, qysh nga veriu i Kosovës e deri në Konispol, jemi krenarë që pikërisht në orën më të zezë, ne iu gjendëm pranë popullit hebreas dhe shpëtuam me qindra e me mijëra pleq e plaka, burra, gra e fënijë, të cilët mundën të vinin në Shqipëri.

Si deputete e zonës, unë e kam për nder të vlerësoj trashëgiminë e lashtë hebrease në qytetin e Sarandës, që përfaqësohet nga Sinagoga e famshme, por përkujtoj komunitetin historik hebreas të Delvinës, të çmoj kujtimin e familjeve shqiptare që shpëtuan hebreasit gjatë luftës.

Mirëpo viti 1944 shënoi një tragjedi të pashembullt edhe për vëllezërit e motrat tona në Çamëri. Terrori dhe dhuna e pashembullt zerviste nuk i kurseu banorët e pafajshëm të Paramithisë më 27 qershor 1044. Për të shpëtuar kokat, dhe me shpresën se një ditë do të ktheheshin në shtëpitë e tyre, mijëra çam kaluan kufirin shtetëror në verën dhe vjeshtën e vitit 1944 dhe u ngulën përkohësisht në fushat përreth Sarandës dhe Delvinës.

Ne sot nderojmë edhe kujtimin e atyre qindra pleqve e plakave, grave e fëmijëve që nuk i qëndruan dot dimrit të egër të vitit 1944-1945, skamjes, sëmundjeve dhe vështirësive të tmerrshme të atyre ditëve, dhe që sot prehen në varrezat e Kllogjerit.

I përjetshëm qoftë kujtimi i viktimave të Shoahs. I përjetshëm qoftë kujtimi i viktimave të tragjedisë çame. Dokumenta nga arkiva amerikane për tragjedinë çame ku flitet për 25.000 familje refugjate dhe 10.000 fëmijë”, shkruan Zhupa.

Të fundit