Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Elezi dhe Kulluri pro bashkimit të PD: Palët të ulen në tryezë, do të japim kontributin tonë

Politiko 21 Mars 2022, 10:43

Elezi dhe Kulluri pro bashkimit të PD: Palët të ulen në

Ibsen Elezi dhe Edvin Kulluri i janë bashkuar thirrjes për të bashkuar dhe unifikuar Partinë Demokratike, duke bërë bashkë të dyja palët.

Në një konferencë të përbashkët, Elezi dhe Kulluri u shprehën se ëhstë koha që të dyja palët të ulen në tryezë duke garantuar se të dy do të japin kontributin e tyre me qëllim bashkimin e PD.

Kulluri i bëri thirrje demokratëve të mbajnë një qëndrim dhe të mos përçajnë PD-në. Ai kërkoi reagim urgjent nga të dyja palët, teksa theksoi se bashkë me Elezin do të japin kontributin e tyre.

“Sot kemi dalë për t’i bërë thirrje demokratëve për të mbajtur qëndrimin e tyre ndaj dy iniciativave që po e përçajnë PD-në. Do presim reagimin, ka nevojë urgjente për të dy palët. Nëse do të kërkojnë nga ne të dy për të gjetur një zgjidhje do ta bëjmë. Do japim kontributin tonë, jemi të gatshëm për bashkimin e PD nëse ka vullnet nga të dyja palët. Demokratët duan një parti, morali politik i çdo njeriu është përgjegjësi personale, ne nuk kemi bërë tregti, nuk kemi bërë ndonjëherë pazare në kurriz të parimeve. Rezultati i 6 marsit tregoi se ashtu si viti 2021 humbën përballë Edi Ramës, më duket e çuditshme për zgjedhje të parakohshme sepse më duket nxitim për t’i dhënë mandatin e katërt Edi Ramës. Si do të përballemi ne, nuk përballemi, është garë e humbur pa nisur akoma”, tha Kulluri.

Edhe Ibsen Elezi u shpreh i gatshëm të mbështesë palët për një bashkim. Ai vlerësoi rëndësini e një ballafaqimi mes dy figurave, Bashës dhe Berishës.

“Duhet të ulemi menjëherë. Unë kam qenë gjithmonë i qartë se mua më bashkon rrugëtimi politik, ne s’kemi qenë shokë, por na ka bashkuar rrugëtimi politik, e shoh konsekuent. Përçarje do të ketë gjithmonë, do të kemi edhe unë me Kullurin, por nuk do të thotë të kesh përçarje për pikëpamjet apo të kodit moral. Ne jemi këtu për shkak të mungesës së vullnetit të tyre për t’u larguar. përplasja politike është shumë pak e ashpër në krahasim me atë që duhet të jetë. Duhet të ketë ballafaqim të tyre dhe garë me debat të dy figurave”, u shpreh Elezi.

Të fundit