Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Ende s'ka pakt, Mediu pas takimit me Bashën: E thjeshtë për t'u llogaritur mandatet e PR, në programin e PD të futen dhe idetë tona

Politiko 19 Shkurt 2021, 19:15

Ende s'ka pakt, Mediu pas takimit me Bashën: E thjeshtë për

Ende nuk ka një pakt mes PD-së dhe PR-së për t'u futur në një listë të përbashkët në zgjedhjet e 25 prillit, edhe pas takimit të zhvilluar mbrëmjen e sotme mes Lulzim Bashës dhe Fatmir Mediut në selinë.

Kreu i republikanëve, në një deklaratë për mediat pas takimit tha se është e thjeshtë për të llogaritur se sa mandate i forcës së tij politike, duke e llogaritur me votat që ka fituar në zgjedhjet e kaluara.

Mediu shtoi më tej se programi i PD-së duhet të përfshijë dhe idetë e partive të tjera aleate, për të patur një program më të plotë qeverisës.

"Janë të rëndësishme votat e PR dhe të aleatëve të tjerë kudo që ato janë në mbështetje të kandidatëve, që duhet të jenë kandidatë koalicioni. Ka një analizë të thjeshtë se sa mandate i takojnë PD dhe PR duke bërë llogaritë me zgjedhjet e kaluara. Ajo që dua të them pavarësisht se kush është emri i personit PR do jetë kontributore për të marrë vota në Kukës dhe Dibër dhe në zona të tjera që skemi pretendime për mandatin, por kemi pretendime për të kontribuar për koalicionin. Është shumë e rëndësishme që logot e partive të koalicionit dhe njerëzit të cilat plotësojnë këto marrëdhënie të koalicionit duhet të përfaqësohen në mënyrq që ne të maksimizojmë votat në shërbim të interesit të fitores së qytetarëve shqiptarë të opozitës.

Programi i PD është jashtëzakonisht i plotë dhe meqë flasim për bashkëpunim politk në radhë të parë, ky program duhet të përfshijë dhe idetë racionale të partive të tjera. Nuk besoj se kemi dallime në politikat ekonomike, fiskale, etj, por ka specifika që secila të kontribonte që të kishim një program më të plotë qeverisës. PR mendon që disa nga propozime që ka bërë, sidomos në mbështetje të pronarëve, të përndjekurit politik, komunitet fetare që janë persekutuar gjatë regjimit komunist, etj duhet të ketë një qasje më të drejtpërdrejtë. E rëndësishme është dhe një reformë rregullatore ekonomike. E rëndësishme është njëlloj zgjimi i qytetarëve shqiptarë në raport me interesin kombëtar dhe PD dhe PR kanë përgjegjësinë për t'i shërbyer në maksimum interesit kombëtar dhe kjo kërkon një politikë të jashtme të zhdërvjellët dhe aktive dhe agresive . Janë të rëndësishme votat e PR dhe të aleatëve. Ne mund të bëjmë të mundur të fillojmë të hapim negociatat sa më shpejtë, siç e tha dhe Basha në Koroaci dhe Slloveni” - deklaroi Mediu.

Më herët, Basha zhvilloi një takim me kreun e PDIU-së, Shpëtim Idrizi, ndërkohë që ditën e hënë pritet të takojë dhe kreun e PBDNJ-së, Vangjel Dule.

Deri tani, Basha ka pakt për t'u futur në listë të përbashkët me kreun e LZHK-së, Dashamir Shehin, kreun e Partisë Demokristiane, Nard Ndokën dhe me kreun e Partisë Agrare Ambientaliste, Agron Dukën. Shehi do të jetë pjesë e listës së Tiranës, Ndoka në Shkodër, ndërsa Duka në Durrës.