Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Flutura Açka: Programi i PD është modeli më i mirë për familjen

Politiko 12 Mars 2021, 12:17

Flutura Açka: Programi i PD është modeli më i mirë

Shkrimtarja dhe njëkohësisht kandidatja për deputete e PD-së, Flutura Açka është shprehur se me projektet e PD-së për të ndihmuar familjen, do të mund të popullohet Shqipëria dhe grave do t'iu jepet zëri që meritojnë në shoqërinë shqiptare.

Ajo ka qenë e pranishme gjatë një aktiviteti të zhvilluar nga kreu i PD-së Lulzim Basha në Durrës ku prezantoi kandidatet gra për deputete për zgjedhjet e 25 prillit. Açka theksoi se programi i PD-së është modeli më i mirë për familjen.

“E kam parë me imtësi dhe programin që të jetë i zbatueshëm dhe më vjen mirë që ju i qaseni zemrës së konceptit të Evropës mbi gruan dhe familjen. Ajo Evropë që është zemra e lirisë ka në qendër gruan dhe familja kalon nga gruaja. Gratë do të kenë mundësi të bëjnë fëmijë, art, shkencë dhe gjithçka. Ky i yni është modeli më i mirë për familjen. Një nga problemet është arsimimi, shpopullimi, që vjen nga varfëria dhe nga faktorë të tjerë në familje, qoftë dhe nga dhuna që promovohet. Me projektet tona për të ndihmuar familjen, ne do të mund ta popullojmë Shqipërinë aty ku e meriton, do të japim zërin që gratë meritojnë në shoqërinë shqiptare. Një grua që është artiste do u jepet mundësia të ketë një studio dhe të mos shkarravisë kot”, u shpreh Açka.

Më tej, drejtuesja politike e PD-së për Qarkun e Tiranës, Jorida Tabaku gjatë fjalës së saj, e cilësoi Partinë Demokratike shtëpinë e lirisë, të vlerave dhe mundësive. Ajo theksoi se asnjëherë se asnjëherë forca politike ku bën pjesë nuk e ka përdorur për fasadë.

“Ne jemi ndryshe dhe duhet të tregojmë që jemi ndryshe dhe këtë duhet ta bëjmë me punën tonë. Gratë mund të bëjnë shkencë, janë të zonjat dhe në amësi, dhe në politikë, por ju duhet dhënë një mundësi. Në PD grave ju jepet një mundësi dhe ne duhet të japim rezultate, secila në fushën e vet. Unë jam rritur në PD dhe kam kënaqësi të them që vij nga strukturat e kësaj partie. E ndjej veten edhe militante të kësaj partie, por mua asnjëherë nuk më ka ndaluar partia të them atë që mendoj, nuk më ka përdorur asnjëherë për fasadë, nuk më ka detyruar të shaj kundërshtarin apo flas për kundërshtarin. As të flas për kryetarin, megjithëse zoti Basha e meriton. Ndaj jemi këtu, PD është partia e vlerave, e mundësive. Këto mundësi që na janë dhënë duhet t’ia japim çdo gruaje. Çdo grua ia del të jetë e para në fushën e vetë. Unë kam qenë kundër kuotave në parti sepse gratë e PD ia dalin vetë. Gratë nuk kanë nevojë t’i japin privilegje vetëm mundësi. Dy kryeministre të djathta ka njohur bota, Margaret Thatcher dhe Angela Merkel”, tha Tabaku.