Gjekmarkaj “shënjestron” Prokurorin e Përgjithshëm: Pse heshtët për krimet zgjedhore të PS-së?

Deputeti i Partisë Demokratike, Agron Gjekmarkaj, ka ngritur një sërë pyetjesh të forta ndaj Prokurorit të Përgjithshëm gjatë raportimit të tij në Kuvend, duke e akuzuar për mosveprim përballë krimeve zgjedhore të denoncuara nga opozita dhe të evidentuara nga raportet ndërkombëtare.

Gjekmarkaj kujtoi ngritjen e një Task-Force për parandalimin e krimeve zgjedhore në prag të zgjedhjeve të 2025-s, e cila sipas tij u shndërrua vetëm në një fasadë mediatike.

 “Para dhe gjatë fushatës, opinioni publik u bombardua me foto pompoze të takimeve të tuaja me kreun e SPAK, të KQZ-së dhe Policisë së Shtetit, duke u krijuar perceptimi se po bëhej nami. Por nami u bë, jo nga ju, por nga partia-shtet,”  u shpreh deputeti demokrat.

Ai iu referua konstatimeve të OSBE-ODIHR, sipas të cilave administrata publike u përdor në funksion të fushatës elektorale të Partisë Socialiste, duke e bërë garën të pabarabartë dhe duke fshirë kufirin mes shtetit dhe partisë.

Deputeti i PD-së kërkoi llogari pse prokuroria nuk ka ndërmarrë asnjë hetim apo ndjekje penale për këto raste:

Një tjetër pikë e fortë e pyetjeve të Gjekmarkajt ishte fenomeni i patronazhimit, që sipas tij përbën një formë presioni ndaj qytetarëve dhe blerjeje të votës:

“Patronazhistët janë punonjës të administratës që ndjekin qytetarët dhe u ofrojnë shërbime shtetërore në këmbim të votës. A është ndëshkuar ndonjë prej tyre? Apo ky sistem mbrohet nga heshtja e prokurorisë?”

Në vijim, ai ngriti çështjen e përdorimit të burimeve shtetërore për qëllime elektorale, duke përmendur si shembull fenomenin e shtrimit të rrugëve në prag zgjedhjesh:

PYETJET E DEPUTETIT TË PD-së, AGRON GJEKMARKAJ PËR PROKURORIN E PËRGJITHSHËM GJATË RAPORTIMIT TË TIJ NË KUVEND:

Z. Prokuror i Përgjithshëm,

Kam disa pyetje që lidhen të gjitha më të njëjtën temë:

Përpara fushatës zgjedhore të vitit 2025, diku nga fundi i vitit 2024, ju miratuat një strategji dhe ngritët një Task-Forcë për të parandaluar dhe luftuar krimet zgjedhore. Madje para dhe gjatë fushatës opinioni publik u bombardua me foto pompoze të takimeve tuaja, të kreut të SPAK, të kreut të KQZ, dhe Drejtorit të Përgjithshëm të Policisë së Shtetit, duke krijuar perceptimin se po behej nami. Për secilin prej nesh që ka qenë në terren atë periudhë, është e vertetë që u bë nami, por jo nga ju, por nga partia shtet, që siç thotë OSBE- ODIHR, keqpërdori gjithçka kishte në dorë, duke e bërë garën mes palëve të pabarabartë dhe vijën ndarëse mes shtetit dhe partisë të padukshme.

Pyetjet e mija konsistojnë në këtë drejtime:

1.    OSBE-ODIHR thekson se u përdor administrata publike për fushatë dhe ndaj asaj u bë presion nga partia në pushtet. Në dijeninë time ky është krim elektoral që parashikohet si vepër penale nga Kodi Penal, janë shtuar këto vepra në vitin 2017. 10 vëzhgues të OSBE-ODIHR e panë këtë z. Kryeprokuror. Po prokurorët e Republikës dihet gjë pse nuk e panë këtë dhe pse nuk ushtruan ndjekjen penale siç Kushtetuta ja ngarkon si përgjegjësi. Çfarë bëri apo po bën organi i prokurorisë për të ndëshkuar përdorimin e burimeve njerëzore të administratës publike nga partia në pushtet në zgjedhje?

2.    OSBE-ODIHR flet edhe për rrjetin e patronazhimit, i cili nuk është asgjë tjetër veç gjurmimit të qytetarëve, identifikimit të problemeve të tyre që kërkojnë zgjidhje nga shteti, dhe ofrimi i zgjidhjes në këmbim të votës për Partinë Socialiste. Pra përdorimi i shtetit për vota. Zakonisht madje sipas të dhënave që janë publike, vetë patronazhistët janë punonjës të administratës publike. Funksionon kështu nëse nuk e keni dëgjuar dhe e dëgjoni për herë të parë: Qytetari ka nevojë për leje legalizimi, i shkon patronzhisti drejtor dhe i thotë ke nevojë për leje, ne të japim lejen nëse ti na jep votës. Sipas të dhënave tuaja nga viti 2017 deri më sot, që kjo është vepër penale, prokuroritë e juridiksionit të përgjithshëm, kanë ushtruar ndjekjen penale për ndonjë patronazhist (bie ndesh me ligjin dhe standardet ndërkombëtare thotë ODIHR), që përdor shtetin për vota? Pse nuk k ndodhur kjo dhe a ka dështuar sistemi i prokurorisë për të përmbushur përgjegjësinë për ndëshkimin e krimeve zgjedhore?

3.    Për OSBE-ODIHR në zgjedhje u vu re edhe përdorimi i burimeve shtetërore. Një shembull tipik ishte fenomeni kriminal i shtrimit, me dhe pa leje ndërtimi, i rrugëve anë e mbanë vendit. Ka patur me qindra denoncime çdo ditë nga opozita për këtë. Kemi parë vetëm një rast që prokuroria të veprojë, në qarkun Elbasan, për Bashkinë Belsh. Gjithmonë duke e lidhur me periudhën nga kjo veprimtri konsiderohet kriminale, pra 2017 e deri më tani, a keni ushtruar ju ndjekjen penale për këtë krim elektoral? A ka një shpjegim juridik, shkencor, logjik, pse shtrimi i një rruge për efekte elektorale përbën vepër penale në Belsh, por nuk përbën vepër penale në Tiranë, në Fier, në Lezhe, në Shkodër, e kudo tjetër. Mos këto i keni shpallur territore jashtë juridiksionit tuaj?