Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Greva e grave në Ballsh/Vasili u 'përvishet' deputeteve: Llafazane dhe dënglaxhije, bëni sikur çirrni gjoksin për to

Politiko 16 Tetor 2020, 12:26

Greva e grave në Ballsh/Vasili u 'përvishet' deputeteve:

Nënkryetari i LSI-së, Petrit Vasili, ka folur së fundmi për grevën e grave të Uzinës së Ballshit, teksa ka përdorur një fjalor të ashpër për gratë ministre e deputete që nuk kanë dhënë asnjë reagim për këtë ngjarje.

Nëpërmjet një deklarate për mediat, Vasili shprehet se "një tufë grash ministre dhe deputete, llafazane dhe dënglaxhije, që bëjnë sikur çerrin gjoksin për gratë, për barazinë e tyre, ju a kanë vënë tapën në gojë hajdutëria e qeverisë dhe asnjëra nuk guxon të hapë gojën për nënat, motrat punëtore ndodhen në grevë urie.

Më tej ai shton se po në të njëjtën uzinë, ku qeveria e kusarëve nuk ju ka marr detyrimet prej 60 milion euro kompanive që kanë përdorur uzinën, të cilat i kanë përvetësuar dhe i anë futur në xhep 60 milion euro.

Deklarata e plotë:

Të nderuar qytetarë dhe qytetare,

Gratë naftëtare janë ngujuar në një grevë urie të pa precedent në Ballsh. Pra grat janë në grevë urie. Vetëm ky fakt do të rrëqethte këdo njeri normal dhe ka rrëqethur tërë Shqipërinë pasi grat punëtore dhe nëna njëherazi ndodhen në grevë urie thjesht dhe vetëm për diçka. Për djersën e ballit të tyre e cila ju është grabitur, ju është vjedhur, ju është plaçkitur në sytë e një qeverie hajdutësh.

Një tufë grash ministre dhe deputete, llafazane dhe dënglaxhije, që bëjnë sikur çerrin gjoksin për gratë, për barazinë e tyre, për të drejtat, ju a kanë vënë tapën në gojë hajdutëria e qeverisë dhe asnjëra prej këtyre grave ministre e deputete nuk guxojnë të hapin gojën për nënat, motrat punëtore të robtuara gjithë jetën që punojnë në naftat në një punë shumë të vështirë e që ndodhen në grevë urie. Një turp e një faqe e zezë. Përse janë në grevë urie naftëtaret, e naftëtarët ditë më parë dhe qindra familje në Ballsh që kanë punuar e kërkojnë djersën e ballit? Për disa milionë euro.

Vetëm për disa milionë euro që ju takojnë, që ju përkasin. Po në të njëjtën uzinë ku qeveria e kusarëve nuk ju ka marr detyrimet prej 60 milion euro kompanive që kanë përdorur uzinën, të cilat i kanë përvetësuar dhe i anë futur në xhep 60 milion euro. Dhuratë e korrupsionit dhe hajdutërisë qeveritare, e lek për të paguar pagat e ligjshme të punëtorëve nuk ka. Pra nuk ka qeveria se qeveria vetëm vjedh. E njëjta qeveri që paguan 10 milion euro për incenerator që nuk punojnë në Fier edhe në Tiranë. Për koncension që shkon 370 milionë euro, paguajnë për incerenatorë miliona që nuk punojnë, nuk ekzistojnë. Sot është një ditë shumë kritike për Shqipërinë. SPAK-u i famshëm ka ditë të tëra që nuk ndihet, ndërkohë që hajdutët dhe hajdutëria me inceneratorët është atje në mes të sheshit, e shohin të tërë, edhe qytetari më i fundit e di. Sot SPAK-u është në provë, ndan përfundimisht bashkëfajësinë dhe bashkë hajdutërinë me qeverisë, ose do të hetojë e do t’i çojë përpara drejtësisë ata.

Ne po mbajmë shënim çdo ditë të kaluar që SPAK-u mbyll gojën, SPAK-u nuk lëviz gishtin, do të thotë ortakëri me hajdutërinë, do të thotë bashkëfajësi, do të thotë bashkëpërgjegjësi, për të cilën do duhet të përgjigjet njëlloj si qeveria. Hajdutët e kanë kryer hajdutërinë e tyre, detyrën për t’i hetuar, për t’i çuar përpara drejtësisë e ka SPAK-u. Një provë e hekurt, e pakapërcyeshme: ose me hajdutët e me krimin, ose me ligjin. Rrugë të mesme nuk ka.

Ne, dhe bashkë me ne 2 milionë e 800 mijë shqiptarë po vëzhgojnë, sepse u janë grabitur miliona. Po vëzhgojnë edhe naftëtarët të cilët janë në grevë urie, e nuk u jepet djersa e ballit. Të gjitha janë në një vëzhgim të rreptë, të hekurt, e për të cilin nuk do të falin as qeverinë, por absolutisht nuk do të falin as ata që janë ngarkuar të bëjnë drejtësinë, por mbyllin sytë dhe larg qoftë shuka e parave të qelbura të tyre, të ketë depërtuar edhe në zyrat e këtyre njerëzve që duhet të japin drejtësi.

Koha nuk pret, koha është tani! Ju faleminderit të gjithëve!