Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

"Heqje e akcizës së naftës dhe taksës së qarkullimit", Basha ironizon Ramën: Paniku e bën të premtojë se gomari fluturon

Politiko 14 Tetor 2020, 16:04

"Heqje e akcizës së naftës dhe taksës së

Kreu i Partisë Demokratike e ka cilësuar si mashtrim pretendimin e kryeministrit Rama për uljen e çmimit të karburantit, heqjen e akcizës së naftës dhe taksës së qarkullimit për fermerët nga 2021-shi. Në një konferencë për shtyp gjatë ditës së sotme, Basha është shprehur se këto janë thjeshtë premtimet e pambajtura të Ramës prej 8 vitesh.

“Besoj siç keni parë këto premtime të përsëritura prej 8 vitesh keni parë dhe përgjigjen që ka marrë. Këto janë premtime të bëra në 2013 që po i bën prapë në 2020. Gjithçka tjetër tregon vetëm një gjë, panikun total që e bën të premtojë se gomari fluturon. Shqiptarët nuk besojnë se gomari fluturon. Pyetja është çfarë masash ke marrë sot për shëndetësinë, çfarë ke bërë sot për premtimin që i ke dhënë mjekëve e infermierëve për bonus. Pyetja ku e ke paketën e tretë pa premtimet nuk i beson as familja e vet e jo më shqiptarët. Një njeri që ka thyer çdo premtim.

Sa i përket gjobës me faturën e dritave dhe një propozimi të mundshëm nga PD në rast të përkeqësimit të situatës, Basha tha se nëse zbatohet plani me 5 pika i propozuar nga opozita mbyllja mund të shmanget.

Çdo propozim që i kemi bërë është të shmanget më e keqja. Dhe mbyllja e parë që u bë nuk kishte pse të ishte aq e rreptë. Gjithçka Edi Rama bën është të mos i çojë lekët tek shqiptarët, ta bëjë keq e më keq situatën dhe t’i gënjejë njerëzit me një karamele. Mbyllja mund të shmanget nëse zbatohet plani ynë me 5 pika. Ndaj do jem këtu ditë për ditë”, u shpreh Basha.

Basha tha se të dhënat për situatën e COVID-19 në vend vijnë nga mjekët dhe se ata që e fshehin janë kryeministri Edi Rama dhe një grup i afërt rreth tij.

“Të dhënat që kam ndarë vijnë nga mjekët. Të vërtetën e fsheh Edi Rama dhe një grup rreth tij. Të dhënat vijnë nga COVID 1 dhe 2. Bëhet fjalë për një grup njerëzish të ngushtë të tij. Situata është realisht dramatike dhe ajo që e bën më dramatike është se është lënë në rënie të lirë. Në rënie të lirë vjedhja dhe batërdisja”, tha Basha.

Të fundit