Inceneratori i Elbasanit, PD nxjerr dokumentet: Koncesioni u dha me ‘pëlqim’ të Ahmetajt, korrespodencat e ish-ministrave

Teksa Komisioni Hetimor i Inceneratorëve vijon punimet, deputetja demokrate dhe kryetarja e këtij komisioni Jorida Tabaku, papublikuar dokumentacionin e procedurave që janë ndjekur në dhënien e koncesionet për inceneratorin e Elbasanit.

Përmes një deklarate, Tabaku shpjegon se si janë hedhur hapat nga njëri ministër te tjetri deri në miratimin e dhënies së koncesionit për ndërtimin e inceneratorit të Elbasanit, aferë ku është përfëshirë edhe ish-ministri i Mjedsiti asokohe Lefter Koka, tashmë i arrestuar.

Bazuar në dokumentet që Tabaku ka publikuar, në 11 nëntor të vitit 2014, shoqëria “Albtek Energy” ka bërë një propozim të pakërkuar pranë Ministrisë së Mjedisit, propozim të cilin ish-ministri Koka “e ka parë te jetë me interes dhe për të cilin është ngritur grupi përkatës i punës me përfaqësues nga disa institucione për hartimin e procedurës koncesionare”.

  

Komisioni i ka propozuar Kokës hartimin e një projektvendimi për dhënien si “koncesion i përzier” sipas procedurës “negocim pa shpallje”. Kërkesa është deleguar te ish-ministri Koka dhe ministri i Ekonomisë, Tregtisë dhe Sipërmarrjes, asokohe Arben Ahmetaj.

Pasi ka marrë kërkesë, “ish ministri Koka merr informacion nga anëtarët e Komisionit për dhënien me koncesion të inceneratorëve lajmëron Ministrin Ahmetaj. Ky i fundit, brenda 2 ditësh i përgjigjet në shkresën e datës 14/11/2014 (duke presupozuar që ka lexuar ofertën, vlerësimin dhe ligjin) që është “parimisht dakord” për t’i dhënë kompanisë Albtek Energy koncesionin/PPP me “negocim pa shpallje”.

  

Edhe ministri i asaj kohe, Damian Gjiknuri i është përgjigjur Kokës në shkresën e datës 17/11/2014 se “përzgjedhja e procedurës së koncesionit është e drejtë e Autoritet Kontraktor” duke i dhënë gjithashtu dakordësinë për procedurën e “negocimit pa shpallje” për koncesionin/PPP të fituar nga Albtek Energy.

  

Ndër të tjera, dokumentacioni përmban edhe një ‘diskutim’ me shkresa mes dy ish-ministrave, Lefter Koka dhe Shkëlqim Cani.

"Korespodenca e ish - ministrit Lefter Koka me ish - Ministrin Shkëlqim Cani, ne përmes Komisionit të Dhënies me Koncesion të Inceneratorëve. Koka i kërkon Canit, miratimin e vlerës financiare të inceneratorit. Ndërkohë që Shkëlqim Cani i kthen një përgjigje Lefter Kokës ku i rreshton mangësitë që ka oferta e kompanisë në pronësi të Stela Gugalljas. Në letrën e gjatë, Shkëlqim Cani nënvizon “mungesën e një vlerësimi financiar të domosdoshëm”, kundërshtinë e ministrit Cani për procedurën e negocimit pa shpallje dhe mungesën e statusit juridik të shoqërisë. Por, ministri Cani do të detyrohet të firmosë në një mënyrë apo në një tjetër në 10 dhjetor 2014 ndonëse me shumë rezerva sikurse shihet në shkresën e tij drejtuar ish kolegut të tij Koka. Dy ditë më vonë Komisioni i dhënies me koncesion të Inceneratorëve shpall fitues në një garë pa garë, kompaninë e Stela Gugalljas", deklaron më tej Tabaku.