Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Ligji i ri për tenderat/ Murrizi: Duhet vullnet, jo grykësi!

Politiko 23 Dhjetor 2020, 14:49

Parlamenti miratoi ditën e sotme ligjin e ri të prokurimit publik, por sipas deputetit të opozitës, Myslim Murrizi korrupsioni me paranë publike luftohet me vullnet jo grykësi.

Murrizi gjithashtu renditi abuzimet që bëhen haptazi dhe kërkoi që prokuroria të vihet në lëvizje.

“Ajo që shoh me shqetësim është që kjo maxhorancë në 4 muajt e fundit para zgjedhjeve ka marrë një sërë nismash ligjore për grupe të vogla të caktuara individësh me idenë për të treguar që është qeveri zemërgjerë dhe është maxhorancë babaxhane në fund të mandatit të saj, edhe kjo në funksion të një grushti votash më shumë. Seancën e kaluar miratuam një ligj për 847 ushtarakë, sot janë dy ligje, për 141 punonjës të ish-industrisë së armëve dhe municioneve të këtij vendi ndër vite dhe për 303 ish-minatorë. Akte normative për të dëmshpërblyer familjet të cilat nga arroganca e shtetit kanë humbur familjet e tyre janë akte të turpshme politike sepse qytetarët kërkojnë nga shteti mbrojtje dhe drejtësi. Unë mbaj mend mirë dhe qurravitjet e opozitës së atëhershme më 21 janar 2011 dhe rrahje ne gjoksit që sa të vijë në pushtet fajtorët do të jenë prapa hekurave dhe kanë 7 vite e 8 muaj që kanë ardhur në pushtet ata që qanin atë kohë dhe jo vetëm që nuk pamë fajtorë pas hekurave por me fajtorët imagjinarë bëtë Pazar, u ulët në tavolinë, ndani dhe ndatë në atë kohë trofe dhe vende në institucionet kushtetuese dhe non-stop për 7 vite ndani para publike, ndani tendera me njeri-tjetrin.

Ligji për prokurimet publike nuk besoj se ka qenë handikap i 30 viteve në këtë vend që ka pasur korrupsion në të gjithë tenderat, pa i dalluar nga ngjyrat se cila forcë politike ka pasur këto karrige pas meje. Unë besoj që ka munguar vullneti për të mos futur duart në xhepat e taksave të qytetarëve shqiptarë dhe për të mos përvetësuar nga paratë publike nëpërmjet prokurimeve publike.

Ligji për prokurimet publike që shitet sikur do bëjë namin është një ligj që nuk kërkon shumë rreshta, por kërkon që ata që prokurojnë dhe urdhëruesit e tyre që marrin pjesë në komisionet e prokurimeve të mos jenë të pangopur, të mos jenë të babëzitur, të mos jenë të pafytyrë, të mos jenë kaq njerëz me një grykësi të pashoq.
Kur tenderohet 20 milionë euro 1 kilometër autostradë apo rrugë në mes të Tiranës, 4.5 milionë euro në rrugën Korçë-Ersekë, 2.8 në një vend tjetër ku prokurohet 1200 euro metri katror rikonstruksioni i shkollave Divjakë, Çermë, Këmishtaj, kur prokuron Tan Agolli mbi 200 milionë euro si i teket në rilindjet urbane të 100 fshatrave që i teket kësaj maxhorance, unë do doja që të kishte një ligj konciz për prokurimet publike, një ligj siç e ka bota dhe të ftoja prokurorinë speciale apo prokuroritë e rretheve të hetojnë çdo prokurim, çdo tender sepse nuk janë paratë e maxhorancës por paratë e taksapaguesve shqiptarë”, deklaroi Murrizi.