Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

LSI i kthehet ashpër Bashës dhe i faturon humbjen e 25 prillit: Kunat-Luli shiti opozitën te Rama, na ka borxh 19 mandate

Politiko 20 Nëntor 2021, 17:50

LSI i kthehet ashpër Bashës dhe i faturon humbjen e 25 prillit:

Lëvizja Socialiste për Integrim i është kthyer kryedemokratit Lulëzim Basha, pas deklaratës së këtij të fundit se “Meta ka punuar për shkatërrimin e fushatës së LSI-së dhe në përkrahje të kryeministrit Edi Rama”.

Deputetja Erisa Xhixho e akuzon Bashën për mosmirëmnjohje, ndërsa shton se fitoren e vetme, kur arriti të merrte Bashkinë e Tiranës, ia siguroi LSI.

"Mosmirënjohja është një veçori e njohur e zotit Basha. Të gjithë e dinë e madje e pranojnë edhe në Partinë Demokratike ketë veçori të tij, ndaj nuk ka se pse ai t’i jetë mirënjohës LSI-së, edhe pse atë të vetme fitore që ai përmend lart e poshtë, të garës për kryetar i bashkisë së Tiranës, Lulëzim Basha e fitoi vetëm falë LSI-së dhe 23 mijë votave që i dha ajo", shkruan ajo në rrjetet sociale.

Sekretari i Përgjithshëm Endrit Braimllari shkruan se, "Lul-vula e kthehu opoziten ne kunat-opozite", ndërsa akuzon Bashën se "shiti" opozitën te qeveria.

"Lul vula, ti je shkaktari i humbjes se çdo kauze te opozites. Ti je shkaktari i shkaterrimit te çdo aksioni opozitar. Ti shite opoziten tek Edi Rama. Ti le demokratet ne burgje dhe ne opozite per kunatin. Çdo aksioni opozitar i vendose nje çmim per pazarin tend te rradhes", thotë Braimllari.

Kandidatja për deputete, Kejdi Mehmetaj thotë se Basha i ka borxh LSI-së mandatet e 2019-ës, ndërsa e akuzon se pati frikë të hynte në zgjedhjet lokale.

"Fatkeqsisht për Luli Bashën, LSI nuk mund të jetë më shpëtimi i tij, pasi LSI-së i ka borxh 19 mandatet e dorëhequra të 2019-ës, bashkitë e këshilltarët që nuk kandiduan se Luli Basha kishte frikë nga zgjedhjet lokale dhe mandatet e votat e humbura të 2021-it që kishte merak me banda e para t’ja blinte LSI-së njësoj si Edi Rama", shkruan Mehmetaj.

Në të njëjtën linjë dhe ish-kandidatja Floida Kërpaçi qytetarët shikonin te Basha kopjen e qeverisë, ndërsa e akuzon për humbjen e zgjedhjeve të 25 prillit.

"Jemi përballur me këtë presion nga qytetarët në çdo ditë të aksionit opozitar 4 vjeçar dhe fushatës elektorale që lamë pas. Njerëzit donin ndryshimin, e megjithatë shikonin tek lidershipi i opozitës, një kopje të shëmtuar të së keqes në pushtet.

Kjo është trashëgimia e kunat-Lulit si kreu i opozitës së bashkuar dhe arsyeja kryesore pse opozita në tërësi dhe LSI si mbështetëse pa kompromis të Opozitës së Bashkuar, morën atë rezultat në zgjedhjet e 25 prillit", shkruan ndër të tjera Kërpaçi.