Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

LSI prezanton programin ekonomik në Durrës, Guri: Kemi parashikuar krijimin e zonave të lira ekonomike me ngarkesë fiskale dhe taksa 0

Politiko 31 Janar 2021, 11:05

LSI prezanton programin ekonomik në Durrës, Guri: Kemi parashikuar

Lëvizja Socialiste për Integrim ka prezantuar sot programin ekonomik në qytetin e Durrësit. Drejtuesja Politike e Qarkut të Durrësit, Elona Guri tha se ky është vizioni i LSI-së për ndryshimin dhe transformimin rrënjësor ekonomik dhe social të Durrësit.

Sipas saj, projekti i rindërtimit po përdoret për demagogji kurse vaksinimi për elegji, por kjo do të marrë fund më 25 prill. Ajo tha më tej se LSI ka parashikuar Krijimin e Zonave të Lira ekonomike me ngarkesë fiskale dhe taksa 0.

“Shqipëria sot, po vuan prej Rilindjes. Si çdo qytetar i vendit edhe qytetarët e Durrësit vuajnë papunësinë, vuajnë ekonomikisht sepse nuk përballojnë dot koston e jetesës, vuajnë për të mbajtur gjallë biznesin prej taksave të larta, kostove të shtuara dhe armiqësisë së qeverisjes aktuale ndaj qytetarëve të ndershëm.
Jeta ekonomike e qytetit, dominohet nga interesat korruptive të lidhjes mes politikës dhe bandave. Kjo, ka sjellë varfëri tek çdo familje durrsake. Ka sjellë shpopullim, ka sjellë humbje shprese. Në portin më të madh në Shqipëri, bëhen ‘të pabërat më të mëdha’ në kurriz të vrendit. Kur e kundërta duhet të ishte e vërtetë.
Projektin e rindërtimit, ne e kemi parë nga afër edhe me kryetaren e LSI-së në takime me qytetarët, ai po përdoret për demagogji, sepse beton ka për projektet e pastrimit të parave dhe jo për ndërtimin e shtëpive të durrsakëve. E ndërsa rindërtimi është demagogji, vaksinimi është elegji. Fjalë në ajër, zero mbështetje nga qeveria. Kjo merr fund në 25 Prill”, theksoi Guri.

Ajo u shpreh se LSI ka marrë angazhimin, t’i kthejë Durrësin qytetarëve të zakonshëm.

“Durrsakëve të ndershëm që paguajnë taksa dhe nuk marrin shërbim, që nisin fëmijët në shkollë por s’marrin arsim, që kanë dëshirë të jetojnë këtu, por s’marrin perspektivë zhvillimi nga shteti.
T’ua kthejmë, atyre mijëra njerëzve që kam takuar në këto muaj, të cilët, inatin me padrejtësitë që përballen duan dhe duhet ta kthejnë në forcë ndryshimi, që Durrësi të jetë shtëpia e tyre dhe jo shtëpia e mafias dhe e krimit.

Për këtë arsye, në platformën politike të LSI-së, kur kemi parashikuar Krijimin e Zonave të Lira ekonomike me ngarkesë fiskale dhe taksa 0, kemi shprehur vullnetin për ta filluar me Durrësin, duke ndërtuar Zonat e Lira Ekonomike Durrësi 1 dhe 2”, u shpreh Guri.