Mallkuar qoftë 29 Nëntori i vitit '44

Nga Bislim Ahmetaj

Kjo datë shënon nji nga ditët ma të zeza për kombin shqiptar.

Gjysma e epër e kombit u pre në besë dhe u la nën robërinë Serbe, në ish Jugosllavi.

Ndërsa gjysma poshtme u zhyt në nji diktarurë mizore.

Kurrë ma parë në histori nuk është ushqye më shumë urrejtja e shqiptarit kundra shqiptarit, se përgjatë diktaturës komuniste. Asnjiherë ma parë nuk janë trajtue aq çnjerëzisht shqiptarët prej shqiptarëve.

Pa hy me i përmend nji e nga nji vrasjet e pabesa, pa gjygje e me gjygje të montuara, interrnim-debimet dhe torturat e pashpirta e të padëgjuara as në historitë me hebrej të kohës së Hitlerit.

Pa hy e me u ndalë me nge në tatimin e jashtëzakonshëm, shtetëzimin dhe konfiskimin e çdo lloj pasurie, kolektivizimin ekstrem deri te pulat dhe gomarët.

Me shënjue kulmin kur u rrafshuen kisha e xhamia dhe besimi në Zot u zevëndësue me besimin te partia dhe diktatori.

Besim i rremë që solli denigrimin dhe degradimin e vlerave patriotike, kombëtare dhe historike.

Ajo ditë e zezë që zgjati afër pesë dekada ja doli me vra lirinë dhe shpresën, guximin dhe besimin e njerëzve, ja doli me depërsonalizue dhe mjerue qënjen njerëzore në atë farë mase sa me e barazue me kafshën e gjorë të punës.

Ajo ditë e errët dhe e përgjakshme e historisë tonë mbolli dasinë, lindi dhe farkëtoj pjellën më të keqe të rracës njerëzore "njeriun e ri".

Atë "njeriun" që spiunon babën e nanën, motrën e vëllanë.

"Njeriun e ri" që vjedh, që rrë, që s'ka nder e familje, që s'ka as fe, as atdhe.

Kjo soj rrace hibride e prodhuar "nëpër ara, fabrika, kantjere", e ushqyer me xehrin e luftës së klasave, fatkeqësisht i ka mbijetuar tranzicionit tonë të mundimshëm dhe sot qeverisë thuajse çdo qelizë ekonomike, sociale dhe politike të vendit.

Veçse tash, ata nuk janë ma internacionalista, por kanë vesh kostumin e globalistëve të shoqërisë së hapur.

Nuk i besojnë ma çifutit Marks, por hebreut Soros.

Nuk e sulmojnë ma kapitalin, por e përvetsojnë atë.

Në emër të lirisë së lëvizjes zbrazin atdheun, në emër të drejtësisë burgosin kundërshtarët politik, në emër të lirisë ekonomike privatizojnë me metoda korruptive çdo pronë dhe aset kombëtar.

Këto janë me pak rreshta pasojat që ka sjellë në jetën e shqiptarit data e zezë 29 Nëntor e vitit 1944.

Që të zhbahet ajo datë bashkë me pasojat tragjike që ka mbjellë në tokën tonë, duhet pikë së pari me u çlirue nga demoni i "njeriut të ri", duhet me vra frikën dhe me i thirrë traditës dhe vyrtyteve ma të mira që shqiptari i ka trashëgue prej të parëve.

Me besue fort në shenjtërinë e familjes, me ju kthye besës dhe mikpritjes, guximit dhe sakrificës, burrnisë dhe fisnikërisë, dashurisë për njëri tjetrin dhe për tokën e të parëve.

Veç duke ju kthue këtyre vlerave do të mund ta bajmë kombin të hareshëm dhe të begatuar për vetën tonë dhe për brezat e ardhshëm.