Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Masakra në Shkodër, Dogjani: Policia dhe familjarët e dinë kush janë vrasësit

Politiko 31 Tetor 2024, 20:34

Masakra në Shkodër, Dogjani: Policia dhe familjarët e dinë

Ish-drejtuesi i Policisë, Asllan Dogjani, i prekur nga ngjarja që ndodhi ditën e djeshme në Shkodër, akuzoi Policinë për lidhje me krimin. Sipas tij ngjarja e djeshme ishte e paralajmëruar, pasi viktima Arlind Bushati kishte denoncuar para disa ditësh në polici një atentat të dështuar ndaj tij në qendër të qytetit të Shkodrës.

“Situata që kemi kaluar dhe krahasimet me ditët e sotme është e tmerrshme kur shikon që në vend që rendi dhe siguria të vinte duke u forcuar. Ka ndodhur e kundërta. Kjo nuk mund të ndodhë pa mbështetjen e krimit me policinë. Dhe për këtë jam plotësisht i bindur. Nuk ka sesi të ndodhë ndryshe.

Shqipëria si vend që aspiron në BE duhet të forconte strukturat dhe të rriste anën profesionale të policisë së shtetit kundër krimit. Nuk ka si të ndodhë ndryshe kur në hyrje të Shkodrës ka lëvizje të shumta të lëvizin të armatosur dy makina me tre persona me dy automatikë.

A mundet që këta të lëvizin në mes të Shkodrës me armë pa mbështetjen e policisë. Nuk ma mbush njeri mendjen që në një qark policia vetëm kur nuk do se edhe miza kur kalo në qarkun e policisë, drejtorët e policisë janë në gjendje ta marrin vesh. Bushati e kishte paralajmëruar, këtu nuk vjen era shtet, por shtetit i vjen era krim. Grupet kriminale janë me hapa përpara policisë. Ata komandojnë e vendosin shefat e policisë”.

Duke mbështetur deklaratën e Berishës se Policia i ka nxjerrë në pritë viktimat, Dogjani thekson se nëse policia do t’i mbante nën kontroll personat me precedentë penalë, ngjarja e djeshme do të ishte shmangur. Ai thekson se grupet kriminale janë më të fuqishme se shteti dhe janë futur edhe në politikë e biznes. Sipas tij në Shkodër ka territore ku policia nuk hyn dot.

"Unë e kam paralajmëruar që policia po degradon. Policia i ka nxjerrë në pritë. Por fakti që këta grupe kriminale kanë mbështetjen e policisë e drejtuesve nuk kanë frikë dhe guxojnë e lëvizin me armë do të thotë që nëse policia do të ishte në krye të detyrës dhe do mbante nën kontroll personat me precedentë penalë nëse do punonte për zbulimin e ngjarjes nuk do të ishte vrarë Arlind Bushati. Një pjesë e mirë e drejtuesve të policisë kanë dalë në dosjen “Metamorfoza, thonë që ka ministra e kryeministër, prokurorë e gjyqtarë këto duhet t’i bëjë transparent SPAK. nuk duhet policia të fokusohet për të ruajtur karrigen e kryeministrit. Në Shkodër ka territore ku policia nuk futet dot pa lejen e grupeve kriminale. Ka disa lloj krimesh, por Shkodra e ka krimin më të hapur”, u shpreh Dogjani për A2.

Për situatën e sigurisë në vend, Dogjani akuzon kryeministrin Rama që sipas tij në vitin 2013 organizoi gjithë grupet kriminale për të ardhur në pushtet. Ai thotë se është e tmerrshme që tani krimi po vret edhe njerëz të pafajshëm.

“Rama thotë hëngshin kokat e veta. Tani krimi po ha dhe kokat e njerëzve të pafajshëm. Unë kam kërkuar interpelancë, ishte rasti në Memaliaj, ku u vra kamarieri, u vranë të pafajshëm. Një nënë në rrugën “Don Bosko”, është e tmerrshme. Këto ndodhin se në krye të qeverisë kemi një kriminel është mbetja më e rrezikshme në Shqipëri se kur ka ardhur në pushtet tha që për 300 ditë do të siguroj rendin dhe qetësinë. U vra në Elbasan ai djali kur shënjestër ishte tjetër kush. Nesër mund të na ndodhë ne, mund t’i ndodhë një gazetari” , tha Dogjani në studion e Ditarit"në A2 CNN.