Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

"Më 21 nëntor, LSI voton online për përzgjedhjen e delegatëve, kryetarit dhe strukturave drejtuese", Caka: Do zbatojmë kuotën 50 me 50

Politiko 19 Nëntor 2020, 10:32
"Më 21 nëntor, LSI voton online për përzgjedhjen e
Në foto: Kryetarja e KQZ në LSI, Silva Caka, në deklaratë për shtyp

Më 21 nëntor LSI voton online për përzgjedhjen e delegatëve, kryetarit dhe strukturat e reja drejtuese.

Përmes një deklarate për shtyp, Kryetarja e KQZ në LSI, Silva Caka, ka bërë me dije se procesi zgjedhor do të mbahet ditën e shtunë duke filluar nga ora 09:00.

Sipas Cakës, përveç votimit elektronik anëtarët e LSI do të mund të votojnë edhe në qendrat e votimit të ngritura në çdo bashki.

“Përveç votimit elektronik, në çdo bashki do të kemi të hapura qendrat e votimit, në mënyrë që çdo anëtar të zgjedhë përfaqësuesit e tij në Koventën Kombëtare Zgjedhore, që do të mbahet më 5 dhjetor”, shprehet Caka.

Deklarata e plotë e Cakës:

Jemi sot për të njoftuar të gjithë anëtarët dhe të gjithë qytetarët shqiptarë për procesin e zgjedhjeve brenda Lëvizjes Socialiste për Integrim, i cili do të mbahet ditën e shtunë më 21 nëntor, duke filluar nga ora 09:00.

Lëvizja Socialiste për Integrim, në çdo proces zgjedhor ka qenë avantgardë, duke qenë e para që prezantoi parimin e shenjtë një anëtar – një votë, duke qenë e para që zbatoi kuotën gjinore në masën 50-50, duke qenë e para që aplikoi votimin dhe numërimin elektronik dhe duke qenë e para dhe ende e vetmja forcë që fokuson të gjithë vëmendjen e saj tek të rinjtë.

Edhe më 21 nëntor, Lëvizja Socialiste për Integrim do të jetë sërish e para forcë politike, e cila do të aplikojë votimin online. Ne sot iu bëjmë thirrje të gjithë anëtarëve të Lëvizjes Socialiste për Integrim, të bëhen pjesë e këtij procesi në mënyrën që ata dëshirojnë.

Përveç votimit elektronik, në çdo bashki do të kemi të hapura qendrat e votimit, në mënyrë që çdo anëtar të zgjedhë përfaqësuesit e tij në Koventën Kombëtare Zgjedhore, që do të mbahet më 5 dhjetor.

Për të gjithë anëtarët që ndodhen jashtë Shqipërisë, gjithashtu edhe ata që e kanë pamundur që t’i drejtohen kutive të votimit për shkak të situatës së pandemisë ose pamundësisë së tyre, aplikacioni ‘Join LSI” ju vjen në ndihmë për të shprehur vullnetin tuaj.

Më 21 nëntor dhe 5 dhjetor, ne nuk votojmë thjesht për delegatët, kryetarin dhe strukturat e reja drejtuese, por i paraprijmë fitores së madhe të shqiptarëve, e cila do të vijë më 25 prill.

Të fundit