Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

"Me kostot e larta nuk rrisim dot rrogat e punonjësve", Basha vizitë në një biznes në Durrës: Një grusht njerëzish përfitojnë paratë e taksave; Plani i PD

Politiko 19 Nëntor 2020, 11:39

"Me kostot e larta nuk rrisim dot rrogat e punonjësve", Basha

Në foto: Kryetari i Partisë Demokratike, Lulzim Basha, gjatë takimit me përfaqësues të biznesit në Durrës

Kryetari i Partisë Demokratike, Lulzim Basha, vijon takimet me përfaqësues të biznesit, për t’u informuar më tepër rreth ecurisë së tyre në perjudhë pandemie.

I ndalur sot në Durrës, në fabrikën e Bardhyl Baltëzës për prodhimin e letrës, Basha është shprehur se biznesi është një nga sektorët më të prekur nga tërmeti i 26 nëntorit dhe pandemia, ndërsa qeveria nuk ka ofruar asgjë për të lehtësuar sadopak efektet shkatërrimtare të këtij viti të vështirë për shqiptarët.

Në bisedën me Bashën, pronari i fabrikës me rreth 160 punonjës u ndal tek çmimi i lartë naftës, dritave, ujit dhe shumë e shumë shpenzimeve të tjera. Sipas Baltëzës, të gjitha këto shpenzime sipas tij, rrisin kostot e prodhimit, duke ulur fitimin dhe rënduar akoma dhe më tepër pozitën ekonomike të biznesit shqiptar.

“Dhe të paguash 12 lekë kilovatin e energjisë elektrike, ju merreni me mend kur të tjerët e paguajnë 5 cent. Të gjithë rajoni e paguan 5 cent, bile për disa rajone disa vende kanë dhe subvencionime. Na vjen keq për një gjë se duke na mbajtur në këtë gjendje nuk rrisim dot rrogat e punëtorëve, ky është problem kryesor në Shqipëri, domethënë nuk është vetëm problemi i imi kryesor.

Kostot e shpenzimeve rriten çdo ditë, çdo ditë aq më tepër sot na thonë tani që ne mbetjet, ne pak mbetje kemi, nuk kemi ndonjë kush e di se ca, po që të çojmë një kamion në landfill në Tiranë ne duhet të paguajmë 50 euro për ton transportin, edhe 50 euro atje në hyrje plus transportin, këto janë në kurriz të punës këtu. Ore nuk është problem që, hajde se paska njëri me paguar, problem është i rritjes së kostove fiktive atyre parave që harxhohen për kot se në fund, në fund të gjitha këto janë paratë e shqiptarëve të shtetit shqiptar edhe duhet të mundohemi t’i shpenzojmë në mënyrë të tillë që të jetë më efektivitet jo kot rrit për hiç gjë kot. Le të shpresojmë që do ndërrojë kjo filozofi e keqe që ekziston në Shqipëri, se nuk jam vetëm unë, ka njerëz të tjerë që punojnë jashtëzakonisht shumë dhe vështirë, por fatkeqësisht kemi dhe një të shkuar të keqe, dhe kjo është e ardhmja, kjo është puna, kjo është jeta", u shpreh Baltëza.

Basha vlerësoi punën e sipërmarrjejes dhe falenderoi Baltëzën për humanizmin e treguar në mbajtjen në punë të më shumë se 160 punëtorëve, pavarësisht vështirësive të shkaktuar nga pandemia dhe mungesës së ndihmës nga shteti.

Më tej, Basha përsëriti edhe njëherë propozimet që Partia Demokratike ka ofruar tashmë prej disa javësh në ndihmë të biznesit prodhues: 200 mijë lekë të vjetra në muaj do të shkonin për çdo punëtor të rimarrë në punë nga biznesi dhe interes 0 për bizneset që marrin kredi për të paguar pagat e punëtorëve të tyre.