Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Mediu mbledh Asamblenë Kombëtare të PR, thirrje për bashkim të opozitës

Politiko 2 Qershor 2024, 15:22

Mediu mbledh Asamblenë Kombëtare të PR, thirrje për bashkim

Partia Republikane mblodhi sot Asamblenë Kombëtare nga ku bëri thirrje për bashkimin e opozitës si e vetmja rrugë për t’u përballur me keqqeverisjen e Edi Ramës. Kreu i PR, Fatmir Mediu argumentoi se korrupsioni dhe krimi i organizuar përbëjnë rrezikun më të madh për Shqipërinë.

“Blerja masive e zgjedhjeve, kërcënimi i votuesve, bashkëpunimi hapur me krimin, krijimi i një administrate politike zgjedhore, me patronazhistë dhe aktivistë, kishin dhe kanë një qëllim të vetëm: kontrollin e jetës suaj, të shoqërisë shqiptare, duke krijuar bindje se ka një Zot, që nuk është ai për të cilin folët ju, por është Edi Rama. Përballë nesh ka dy rrugë: të ulim kokën ose të ngrihemi. Të luftojmë të ndërtojmë fatin tonë, të familjeve tona, vendit tone”, tha Mediu.

Ai tregoi rrugën që duhet të ndjekë opozita për të fituar besimin e qytetarëve.

“Garantimi i koalicioneve zgjedhore përmes reformës zgjedhore, gara me lista të hapura, vota e diasporës, ndëshkimi i partive dhe deputetëve që manipulojnë zgjedhjet duhet të jenë disa nga objektivat parlamentare. 

Ne do të kemi besimin dhe mbështetjen e njerëzve, kur të kuptojmë se fati ynë është i lidhur me shqiptarët dhe jo e kundërta, që fati i shqiptarëve qenka i lidhur me ne. Dhe po vij tek detyra jonë, federata apo konfederata e opozitës, quajeni si të doni, sepse opozita e bashkuar është rruga e vetme për të mposhtur të keqen e kësaj qeverie”, shtoi ai.

Të fundit