Çmimi i energjisë/ 15 deputetë të opozitës thërrasin ERE-n në Kuvend: Pse iu bind urdhrit të Ramës

Partia e Lirisë dhe Partia Demokratike kanë thirrur Entin Rregullator të Energjisë në seancën plenare të Kuvendit për të sqaruar pse ju bind urdhrit të kryeministrit Rama për t’u tërhequr nga vendimi për rritjen e çmimit të energjisë elektrike.

15 deputetë të opozitës kërkojnë nga ERE të sqarojë se si shkeli pavarësinë si autoritet duke iu nënshtruar urdhrit të qeverisë. Petrit Vasili ka bërë publike në Facebook dokumentin me kërkesën për ERE-n depozituar në Kuvend.

Postimi i plotë:

Llogaridhenia nuk ndalet, kemi thirrur ERE-n ne Parlament per pesefishimin e cmimit te energjise!

Kemi thirrur ERE-n ne Parlament, qe te jape llogari per vendosjen çmimit te energjise pese fish me te larte pas 800 KË per qytetaret.

15 deputete te Partise se Lirise dhe te Partise Demokratike se bashku, kemi thirrur te ERE- n te tregoje publikisht ne Parlament se pse ju bind urdherit politik te Edi Rames per te pesefishuar çmimin per qytetaret.

E kemi thirrur te tregoje se si shkeli pavaresine e saj te garantuar me ligj per t'ju bindur urdherit te çmendur te Edi Rames, i cili ishte pa asnje baze, por thjesht nje provokim ndaj qyetareve.

E kemi thirrur te tregoje se cfare i mbetet ERE-s, kur vete Edi Rama e hedh poshte po vete Vendimin e ERE-s te nje dite me pare.

Menaxhimi mafioz i energjise nga Edi Rama dhe qeveria eshte fakt qe nuk e luan topi dhe i provuar me dokumente dhe te dhena pa fund, te cilat vetem ERE beri sikur nuk i pa dhe sikur harroi.

Provokimet neveritshme te Edi Rames ndaj qytetareve dhe presioni i tij me energjine gjeten mbeshtetjen e ERE-s, e cila me Ligj duhej te ishte bariere dhe jo ortak i tij.

Aksioni i opozites per llogaridhenie dhe nxjerrjen e pergjegjesive ne emer te qytetareve nuk do te ndalet.