Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Murrizi kundërshton ndryshimet në ligjin për krimet e komunizmit: Burrat e gratë e Kuvendit s’kanë këllqe të ndahen nga e shkuara

Politiko 22 Tetor 2020, 12:25
Murrizi kundërshton ndryshimet në ligjin për krimet e komunizmit:
Myslim Murrizi

Deputeti i të ashtuquajturës ‘opozita parlamentare’, Myslim Murrizi, ka shprehur hapur kundërshtimin për dy nismat, lidhur me ndryshimet në ligjin për krimet e komunizmit, “Për disa shtesa dhe ndryshime në ligjin nr. 10.242, datë 25.02.2010, “Për Institutin e Studimeve për Krimet dhe Pasojat e Komunizmit në Shqipëri”.

Nga foltorja e Kuvendit, Murrizi ka theksuar se në këto 30 vite burrat e gratë e Kuvendit nuk patën guxim të ndahen nga e shkuara.

Më tej ai shton se dy projekt-rezoluta të BE për të dënuar krimet e komunizmit Kuvendi i ka refuzuar dhe sipas tij kjo ndodh sepse ka ende komunistë në Kuvend dhe nëpër parti, dhe sa herë lëkunden mbajnë njëri-tjetrin.

”Nuk ka hipokrizi më të madhe në 30 vite, që kurrë s’patën këllqe këta burra e gra të ndahen nga e shkuara. Jo vetëm ne, por edhe më parë kanë guxuar. Por komunistët që kanë qeverisur në 30 vite e kanë dreqin në bark, ju dridhen leqet për të kaluarën e pistë.

Kanë raportuar brenda familjes. S’ka hipokrizi më të madhe, që dy rezoluta ’96 dhe 2006, të dënojë krimet e komunizmit, dhe komunistët e kësaj salle nuk kanë guxuar.

Sollëm një ligj, që të ndalohej dërdëllisja dhe ardhja këtu e komunistëve. është rrëzuar e më parë, sepse spiunët e komunizmit kanë karamelen në fyt, dhe mbajnë njëri-tjetrin si peshore. Sa herë lëkundet bara e një krahu, mbahet nga ana tjetër.

Çfarë ju tremb. pse s’i hapni letrat. Një autoritet dosjesh që nuk guxon kush, falas e ka, të pyesë për të kaluarën e tij.

Janë 1415 burra që janë ulur në këtë sallë nga rënia e komunizmit, disa ulen si struci, disa triumfojnë me letra fallco. Të tjerë thonë që e kanë kaluar filtrin.

Histori e errët për një vend 108 vjet shtet, çfarë mëkatesh keni e çfarë ju mban peng. Ju formalisht, pjesa dërrmuese, deputetë prej 31 marsit s’di të keni shkrep dyfek në luftë.

Shoh që disa vetëquhen veteranë, edhe pse kanë lindur kur lufta kishte 25 vite që ka mbaruar. E dinë që veteran quhesh se ke pasur babain komunist. ë dihet edhe çfarë është bërë më 39-45”, deklaroi Murrizi.

Të fundit