Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Nga aksioni politik dhe programi organizativ te vendimarrjet mbi situatën politike, zbardhet axhenda e Kuvendit të Bashës

Politiko 17 Dhjetor 2021, 12:11

Nga aksioni politik dhe programi organizativ te vendimarrjet mbi situatën

Është zbardhur rendi i ditës së Kuvendit të thirrur nga kryedemokrati Lulzim Basha. Ai do të nisë në orën 11.00 në Pallatin e Kongreseve. Në pikën e parë parashikohet të merren vendime mbi situatën në PD dhe për interesin e saj.

Më pas parashikohet miratimi i Aksionit Politik për të ardhmen e Partisë Demokratike dhe shpalljen e Platformës Qytetare për demokraci, që sipas selisë blu synon rikthimin e legjitimitetit dhe demokracisë në vend. Dhe pika e tretë parashikon miratimin e programit organizativ të PD-së për të përgatitur strukturën e partisë për zgjedhjet e ardhshme.

Rendi i ditës:

1- Vendimmarrje mbi situatën politike me si edhe marrjen e masave për të mbrojtur interesin e PD, duke mos lejuar që problemet apo interesat personale të secilit anëtar të dëmtojnë interesat elektorale dhe politike të PD dhe agjendën e saj politike në përballjen me regjimin e Edi Ramës.

2-Miratimin e Aksionit Politik për të ardhmen e Partisë Demokratike dhe shpalljen e Platformës Qytetare për demokraci, për rikthimin e legjitimitetit dhe demokracisë në vend si edhe ndërtimin e mekanizmit të bashkëpunimit me të gjitha forcat e shoqërisë në përballjen me regjimin e Edi Ramës , i cili në aleancë me krimin e organizuar ka shkatërruar çdo mjet të funksionit demokratike të shtetit shqiptar dhe po nxit braktisjen masive të vendit , kryesisht nga të rinjtë.

3-Miratimin e programit organizativ të Partisë Demokratike për të përgatitur strukturën e partisë për zgjedhjet e ardhshme , sipas Objektit “ partia Demokratike , partia e demokratëve dhe çdo shqiptari të ndershëm-Forca e vetme politike që do të sjellë ndryshimin në Shqipëri”.

Më herët u zbardh dhe mesazhi i Bashës për delegatët. Basha e thirri Kuvendin, pasi ish-kryeministri Sali Berisha u shpreh se do të mblidhte delegatët më 11 dhjetor për rithemelimin e PD. Në Kuvendin e Berishës u miratuan ndryshime statuore, logoja dhe vula, si dhe u shkarkua Lulzim Basha. Ndërsa Basha do të zhvillojë Kuvendin, Berisha dhe mbështetësit e tij kanë vendosur të mbajnë referndum në çdo degë të PD për shkarkimin e kryedemokratit.

Në ambientet e Pallatit të Kongreseve po bëhen përgatitjet e fundit. Verifikimi i delegatëve do të bëhet në hyrjen e hollit, ku janë vendosur tavolinat për komisionerët. Gjithashtu janë vendosur dhe banerat me logon e Partisë Demokratike dhe sloganin “zgjedh të ardhmen”.

Nga aksioni politik dhe programi organizativ te vendimarrjet mbi situatën