Nga e ardhmja politike dhe bashkëpunimi me Berishën tek ironia për Bashën, ç’deklaroi Meta pasi la presidencën

Disa orë para mbajtjes së Konventës së LSI-së dhe një ditë pasi la presidencën, Ilir Meta bëri me dije se rikthimi në politikën aktive nuk ka të bëjë me drejtimin e forcës politike që krijoi në vitin 2004.

I pyetur nëse do të krijojë një parti të re, ai tha se partia është referendum, duke shprehur bindjen se do të ndodhë shumë shpejt në Shqipëri.

Ilir Meta theksoi se ka ardhur momenti për një transformim të sistemit në vend. Gjithashtu shtoi se politikanët e papërgjegjshëm duhet të marrin përgjigjen që meritojnë.

“Ka ardhur momenti që populli i 2 Marsit të nisi rrugën e tij. Të shumëfishohet çdo ditë dhe shumë shpejt të fitojë referendumin që si e vetmja rrugë të vendosë nën kontroll këtë klasë politike të papërgjegjshme dhe jo vetëm atë.

Jam plotësisht i bindur se referendumi i ka munguar popullit të Shqipërisë prej vitit 1998 dhe referendumi do të jetë shpata e Demokleut mbi të gjithë uzurpatorët, Esat Pashët e rinj të këtij vendi që i ngulin thika pas shpine në mënyrë sistematike edhe shtetësisë së Kosovës dhe shqiptarëve kudo që ata janë”, tha Meta.

I pyetur nëse do të bashkëpunojë me kryedemokratin Sali Berisha, ai e la të hapur mundësinë, ndërsa ironizoi Lulzim Bashën,

“Do bashkëpunojmë me çdo shqiptar të ndershëm patriot dhe demokrat. Nuk jam në garë me Berishën, nuk kam qenë as me Lulushin.

Kam që në 2 mars që i pres të gjithë të bashkohem për ti hënë fuqinë popullit shqiptar. Shqipërinë e ndryshon vetëm referendumi, është primarja. Është vetë Shqipërinë, është vënë në pikëpyetje ekzistenca e këtij shteti”, u shpreh ai.

Meta theksoi se edhe pse funksione, ndihet me pushtet. Ai u shpreh se, “pushteti më i madh që dua ti jap vetes është pushteti i partisë së referendumit”.

Ish-presidenti hodhi akuza se djegia e mandateve kishte për synim që LSI të binte në grackë.

“Por ky nuk ishte vullneti, jo vetëm i lidershipit të PS-së, por edhe lidershipit të korruptuar dhe të kapur prej kohëssh të PD-së që programuan djegien e mandateve. Këtë nuk mund ta bënin pa futur në grackë LSI-në e cila doli jashtë funksionit të saj duke u bërë shtojcë e pavetëdijshme e një shtojce të vetëdishme e qeverisë, PD-ja e Lulzim Bashës”, tha Meta.

Duke nënvizuar se ka ardhur momenti për ndryshimin e sistemit në vend, Ilir Meta deklaroi se “ka ardhur momenti që populli i 2 marsit, të nisi rrugën e tij, të shumëfishohet ditë pas dite.

 Do triumfojë referendumi si e  etmja mënyrë që të vendosë nën kontroll një klasë të përgjegjshme. Kjo gjë do ndodhë shumë shpejt. Jam i bindur që referendumi që i ka munguar Shqipërisë nga viti 98’, referendumi do jetë shpata”.