Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

"Nga janari, kolaudimi në shtet", aleati kryesor i Bashës, përkrah Ramën: Lajm shumë pozitiv, ishte korruptiv

Politiko 2 Dhjetor 2020, 15:15
"Nga janari, kolaudimi në shtet", aleati kryesor i Bashës,
Në foto: Godina e re e Kontrollit Teknik të Automjeteve

Mëngjesin e sotëm, kryeministri Rama njoftoi se kontrolli teknik i mjeteve (kolaudimi) do të kryhet në shtet. Në këtë mënyrë, me përmbylljen e konçesionit me kompaninë SGS, duket se Kontrolli Teknik i Mjeteve Rrugore, do të kryhet nga DPSHTRR.

Kreu i LZHK-së dhe njëherazi një ndër aleatët kryesor të Bashës, Dashamir Shehi, e ka vlerësuar pozitivisht këtë hap të qeverisë, duke shtuar se koncesionet në përgjithësi, si të qeverisë së kaluar dhe të kësaj aktuale, janë korruptive.

Megjithatë, Shehi po ashtu ka paralajmëruar se ‘nuk është çudi që edhe si ndërmarrje shtetërore të bjerë në korrupsion’.

"Pozitive është. Unë nuk pres mrekullinë por është pozitive sepse një koncesion më pak. Unë i kam konsideruar koncesionet në përgjithësi se janë korruptive, si ato të qeverisë së vjetër, si ky i kolaudimit, si  ato të Qeverisë aktuale.

Nga shërbimi do të përfitojnë qytetarët. Por ndoshta edhe kjo si ndërmarrje shtetërore nuk është çudi që të bjerë në korrupsion siç kthehen institucionet shtetërore në Shqipëri.  Është pozitive sepse nuk po rinovohet një koncesion. Po krijohet ideja se çdo koncesion duhet t'i nënshtrohet një debati politik. Dhe kjo do ta bëjë të mendojnë shqiptarët se shiko si u mburrur kjo Qeveri se u mbyll koncesioni mirëpo koncesionet e rrugëve i kanë marrë miliarda shqiptarëve. Ndaj siç kanë bërë mirë që nuk e kanë rinovuar këtë koncesion ne duhet të dyshojmë në mënyrë permanente në çdo koncesion", tha Shehi.

Të fundit