Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Nga tenderat te barnat e Beogradit/ Berisha bashkëbisedim me intelektualët, njofton krijimin e Ministrisë së Familjes

Politiko 2 Gusht 2022, 21:22

Nga tenderat te barnat e Beogradit/ Berisha bashkëbisedim me

Kryedemokrati Sali Berisha zhvilloi sot një bashkëbisedim me intelektualë të ndryshëm. Në fokus të bashkëbisedimit ka qenë familja, ekonomia dhe problemet kyçe të shoqërisë.

Në fjalën e tij Berisha hodhi akuza ndaj qeverisë përfshirë tenderin për autostradën Blu Milot-Fier, borxhin publik, pagesat e inceneratorëve e deri te barna e ilaçe që sipas kryedemokratit kanë hyrë nga Beogradi në Shqipëri në kundërshtim me ligjin.

Berisha njoftoi krijimin e Ministrisë së Familjes dhe Çështjeve Sociale e cila do të ketë në fokus pikërisht familjen.

Berisha: Ku qëndron Partia Demokratike? Në të gjithë përpjekjet për një front sa më të gjerë për të shpëtuar Shqipërinë nga ky rrezik, për të shpëtuar familjen nga ky rrezik i madh. Në mënyrë absolute, kjo forcë politike nesër, në themel të politikave sociale të saj do të ketë familjen. Do të krijojmë Ministrinë e Familjes dhe të Çështjeve Sociale. Do të vëmë në kryefjalë familjen. Është e domosdoshme. Kemi ndërtuar si qeveri mbi 11 mijë km rrugë. Në këtë situatë s’do të më shkonte ndërmend asgjë tjetër përveç lehtësimit, zbutjes dhe amortizimit të dhimbjeve të këtyre njerëzve. Kurse ky hap tender për autostradë 22 milionë euro për kilometër linear, në një kohë kur në Europë, me këtë terren, ndërtohen me 2 gjer 3 milionë euro. Pse e bën këtë? Sepse do të pasurohet edhe më shumë. Të bëjmë gjithçka në këtë front. Potenciali është i jashtëzakonshëm. Nuk di të ketë vend që të ketë potencialet e Shqipërisë. Ju garantoj se do ketë Ministri për Familjen, do ketë specifika për mbrojtjen dhe mbështetjen e familjeve.

Borxhi publik fundosës për këtë vend

Berisha: Sot, ky zotëri (Edi Rama), bashkë me mëkëmbësen e tij njoftuan shqiptarët se po hapim tenderin për Autostradën Blu, Milot-Fier, në një kohë kur borxhi publik është absolutisht fundosës për këtë vend dhe s’do të jetë e largët dita kur Greqia të duket lule, është 107%. Për sirenat që bien të varfërisë dhe mjerimit në votrat shqiptare. Ndjeshmëria e tij ndaj këtij realiteti është zero. Ai është i lumtur, e tha bukur profesori, ai jeton në lumturinë e tij, jeton në saraje, jeton me avion në dispozicion, jeton me çdo gjë, kurse se çfarë ndodh me qytetarët, ai nuk ka asnjë preokupim.

Barna nga Beogradi në Shqipëri

Berisha: Vilma Nushi, një gjë ka këtu. Ne patëm një ligj, ligji për barnat kishte një nen, asnjë bar që nuk qarkullon në BE dhe që nuk ka miratimin e FDA të SHBA, nuk mund të hyjë në Shqipëri. Kishte një garanci. Mund ta blije më shtrenjtë, por kishte siguri. I pari nen që u ndryshua ishte ai, për shkak të korrupsionit., E ndryshoi Vilma Nushi sepse përfaqësonte Profarmën e Beogradit. Dhe duhej që ilaçet e Beogradit që nuk hynin në BE, të futeshin në Shqipëri. Kjo është e vërteta. Korrupsioni është këtu shkaku i një varfërimi të tmerrshëm dhe pastaj i shkëputjes totale, humbjes totale të ndjeshmërisë për realitetin dramatik që zhvillohet.

Zoto dhe Gugallja kanë marrë 1.4 miliardë lekë

Beirsha: Sot, dy hajdutë me urdhër arresti, Gugallja dhe Zoto kanë marrë njëri 800 njëri dhe tjetri 600 milionë lekë të taksapaguesve. Pse? Si mund të ndodhë kjo? Kjo ndodh vetëm se këto para janë të qeveritarëve se njeri në botë që të marrë guximin të lëshojë nga thesari i shtetit njerëzve në kërkim 1 miliardë e 400 milionë lekë, nuk ka. Por këto janë të tyret. Kjo është një dramë e madhe. Të gjitha këto kërkojnë përgjigje të shpejtë dhe të fortë.