Flash News

Ditari i Opozitës

Një vit nga tërmeti, Basha në Thumanë: Vetëm një pjesë e donacioneve shkuan te qytetarët e prekur

Një vit nga tërmeti, Basha në Thumanë: Vetëm një

Kreu i PD, Lulzim Basha i kërkon qeverisë të japë sqarime se ku janë paratë e donatorëve dhe pse nuk u mbajtën premtimet për t’u ardhur ndihmë familjet e prekura nga tërmeti i një viti më parë.

Teksa ka vizituar familjen e Bujar Çukës në Thumanë, Basha thotë se vetëm një pjesë e ndihmës ka shkuar tek qytetarët e prekur nga tërmeti.

"Ku janë paratë e donatorëve? Ku janë premtimet?", Basha në Thumanë në familjen e Bujar Çukës: Puna për rindërtimin është larg nga përmbushja. Vetëm një pjesë e donacioneve dhe ndihmës ka shkuar tek qytetarët e prekur nga tërmeti

Sot vizitova familjen e Bujar Çukës në Thumanë që humbi bashkëshorten dhe djalin në tragjedinë e 26 nëntorit. Isha pranë tyre për t’ju dhënë forcë dhe shprehur ngushëllimet në emër të të gjithë qytetarëve shqiptarë.

1 vit pas tërmetit të 26 nëntorit, Bujari dhe vajza e tij Megi nuk kanë parë të bëhet drejtësi për përgjegjësit e asaj katastrofe ku ata humbën dy njerëzit e tyre të shtrenjtë, Fatmirën dhe Sardin.

Është e papranueshme të shohësh se sa pak ka bërë qeveria që prej fatkeqësisë. Kemi dëgjuar kaq shumë premtime dhe kaq pak rezultate.

Si gjatë gjithë kësaj kohe edhe sot u takova me familje që për fat të keq pritet ta kalojnë dhe dimrin e dytë në çadra.

Puna për rindërtimin është larg nga përmbushja. Vetëm një pjesë e donacioneve dhe ndihmës ka shkuar tek qytetarët e prekur nga tërmeti.

Ku janë paratë e donatorëve? Ku janë premtimet?

Shqipëria nuk ka më kohë për të humbur. Familjet shqiptare meritojnë më shumë. Shqipëria ka nevojë për një qeveri funksionale që punon për njerëzit.

Ne do ta bëjmë këtë qeveri dhe do t’i sjellim shpresë Shqipërisë”, reagon Basha.

Ditari politik

Të fundit