Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Noka i përgjigjet Bashës: Kuvendi do të mblidhet kundër kryetarit ilegjitim. S'ka përçarje, ata që s'flasin janë të detyruar

Politiko 23 Shtator 2021, 12:56

Noka i përgjigjet Bashës: Kuvendi do të mblidhet kundër

Kanë vazhduar përplasjet mes kryedemokratit Lulzim Basha dhe deputetit Flamur Noka. Ky i fundit ka dalë hapur në mbështetje të ish-kryeministrit Sali Berisha.

Referuar qëndrimit të prerë të kryedemokratit se nuk do të ketë asnjë referendum apo mbledhje Kuvendi për të shqyrtuar vendimet e SHBA-së, Noka tha Kuvendi do të mblidhet kundër Bashës dhe jo vendimeve të Amerikës.

Nga selia blu, deputeti tha për gazetarët se askush nuk mund të ndalojë vullnetin e anëtarëve të PD për t’u shprehur. Ai përsëriti akuzat se Basha po ushtron presion që të pengojë "Foltoren" e Berishës.

Noka deklaroi se nuk do të ketë përçarje, pasi shumica është kundër vendimit të Bashës për Berishën, duke theksuar se kush nuk shprehet hapur është i detyruar.

"Lideri i opozitës të kapet pas të ashtuquajturës pro-amerikanizëm dhe të sulmojë bazën si anti-amerikane, ajo që i bëra me dije është se Kongresi i Partisë do të mblidhet, Kuvendi do të mblidhet, jo për të shqyrtuar ndonjë vendim të SHBA, por do të mblidhet kundër Lulzim Bashës, që është kryetar ilegjitim. Gjithçka është një proces, dhe askush në Republikën e Shqipërisë nuk mund të ndalojë vullnetin e anëtarëve të PD për t’u shprehur.

Nga informacionet që kemi ka disa ditë që ka filluar një tur takimesh me drejtues degësh, duke iu bërë shantazh, duke i presioniuar që të mos i hapin derën liderit të PD, Sali Berisha. Kjo nuk është vetëm e turpshme por është e neveritshme.

Unë kam 30 vjet në këtë parti, kam ardhur që fëmijë, po të ishte për interesat e mija…unë jam angazhuar në politikë për të mirën e gjithë shqiptarëve.

Asnjë përplasje, asnjë përçarje nuk do të ketë sepse shumica e demokratëve janë kundër vullnetit të shprehur të kryetarit të partisë. Kjo ishte arsyeja pse ai nuk u konsultua me institucionet dhe e mori vendimin natën. Foltorja po i bashkon demokratët. Kjo parti që është sot në drejtimin e Bashës nuk është fituese. Demokratët kanë nevojë për një lider që i çon drejt fitores.

Çdokush që ka dalë krah vendimit të Bashës është detyruar. Kanë dalë të zbehur, të venitur sepse asnjëri s’ka qenë pro atij vendimi", tha Noka.

 

Të fundit