Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Noka tregon pse zgjodhën 6 dhjetorin për të protestuar: Miqtë evropianë do trajtohen si mysafirë

Politiko 28 Nëntor 2022, 13:56

Noka tregon pse zgjodhën 6 dhjetorin për të protestuar:

Partia Demokratike ka thirrur protestë më 6 dhjetor, në të njëjtën ditë kur në Tiranë vijnë liderët evropianë për të mbajtur samitin BE-Ballkani Perëndimor.

Policia e Shtetit dhe Bashkia e Tiranës ka refuzuar kërkesën e PD-së për të organizuar tubimin në Bulevardin ‘Dëshmorët e Kombit’, me argumentin se cënon sigurinë.

Sekretari i Përgjithshëm i PD-së, Flamur Noka, ka treguar detaje nga protesta e 6 dhjetorit. Në një intervistë për Panorama.al, Noka ka thënë se pavarësisht refuzimit nga policia dhe bashkia, protesta do të mbahet në shesh duke respektuar liderët e Bashkimit Evropian.

“Jo, protesta do të zhvillohet aty ku organizohen gjithmonë. Miqtë nga Bashkimi Evropian do trajtohen si mysafirë”, ka thënë Noka.

I pyetur se pse u zgjodh pikërisht data 6 dhjetor, Noka shprehet se është një datë e rëndësishme pasi për herë të parë në Shqipëri mbahet një samit ndërkombëtar. Noka thekson se protesta mbahet për të mirëpritur miqtë evropianë, dhe njëherazi për të treguar se s’ka demokraci.

“Data 6 dhjetor, ka një domethënie të madhe për shqiptarët. Në Shqipëri për herë të parë zhvillohet një samit ndërkombëtar. Liderët evropianë zbarkojnë në Shqipëri. Kjo është një datë e rëndësishme. Sigurisht që në kushtet ku ndodhet Shqipëria ku po instalohet monizmi, ku papunësia, varfëria, janë ulur këmbëkryq në çdo sofër shqiptari, në kushtet kur vjedhja është bërë moto e qeverisjes së këtij vendi, në kushtet kur babëzia, qeveria përvëlon mbi gjithçka në këtë shtet, në kushtet kur shpopullimi është alarm dhe Shqipëria po kthehet në një tokë të shkretë.

Shqiptarët e lirë që jetojnë brenda këtij vendi kanë arsye dhe motiv për të protestuar. Për të mirëpritur liderët evropianë dhe në radhë të dytë, për t’u thënë që nuk ka demokraci. Në Shqipëri pluralizmi po vdes, në Shqipëri njeriu që përpiqet t’ju thotë ju mrekulli ka instaluar monizmin. Që në Shqipëri, shqiptarët ndihen më keq se nën pushtim nën regjimin e këtij Kryeministri”, është shprehur Noka.

Sekretari i Përgjithshëm demokrat tha se për ta dëshmuar mungesën e demokracisë dhe prezencën e korrupsionit, do t’i tregojnë liderëve evropianë se kush po e sundon sot Shqipërinë.

“Ne nuk do protestojmë para tyre. Do protestojmë aty ku protestojmë gjithmonë. Një protestë e kulturuar, paqësore dhe qytetare. Siç dimë dhe kemi bërë ne protestat. E keni parë 7 korrikun dhe 12 nëntorin. Janë dy protestat më të mëdha në historinë e demokracisë. Janë edhe dy protestat më paqësore që ka pasur ky vend. Ne thjesht mblidhemi për t’u thënë liderëve evropianë se nuk mund të takoni dhe të mbështesni kreun e një regjimi, pasi ai nuk është demokratik.

Nuk mund t’i jepni suport një njeriu që u ka vënë bashkë me bandën e tij shkelmin në fyt shqiptarëve. Shqiptarët nuk kanë një Kryeministër, por kanë një sulltan. Nuk kanë një qeveri, por kanë një oborr. Këtë do u themi ndërkombëtarëve. Që Shqipëria është në këtë pikë. Do u themi që ne kemi detyrë që të luftojmë për të mbrojtur demokracinë dhe pluralizmin. Kemi detyrë të luftojmë për shqiptarët. Motiv më të madh se shqiptarët nuk ka askush për të protestuar. Motiv më të madh për të reaguar nuk ka kush tjetër shqiptarëve. Ne kemi për detyrë që t’i prijmë shqiptarët. Kjo është një betejë me armikun më të egër që ka pasur Shqipëria të ulur në atë karrige”, ka thënë Noka.