Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Opozita depoziton kërkesë në Kuvend: Të ngrihet Komision Hetimor për Portin e Durrësit

Politiko 6 Prill 2023, 13:32

Opozita depoziton kërkesë në Kuvend: Të ngrihet Komision

Deputetët e Partisë Demokratike kanë depoztiuar sot në Kuvend një kërkesë për ngritjen e një Komisioni Hetimor për të hetuar projektin për ndërtimin e Portit të Durrësit. Kërkesa është firmosur nga 35 deputetë të opozitës.

Deputeti demokrat Oerd Bylykbashi tha për mediat se projekti për Portin e Durrësit është afera më e madhe korruptive. Bylykbashi tha se projekti në fjalë, kërkon të zhdukë portin dhe nuk ka asnjë garanci që porti tjetër do të zhvillohet në të ardhmen.

Sipas deputetit demokrat, qeveria ia ka ofruar investitorit privat që të fitojë shumë herë më shumë se sa investon.

“Grabitja e Portit të Durrësit është afera më kriminale dhe korruptive. Jo vetëm në aspektin ekonomik, jo vetëm si një pronë gjigande por ka shkelur në mënyrë brutale kushtetutën dhe çdo aspekt tjetër. Kjo aferë po zhduk portin më shumë se 2700 vjeçar të Durrësit. Gjithashtu një nyje strategjike ushtarake që Shqipëria vë në dispozicion të aleancës. Me këtë aferë Porti i Durrësit vdes menjëherë.

Ajo që parashikohet aty do të zhdukë këtë port dhe nuk ka asnjë garanci që porti tjetër do të zhvillohet në të ardhmen. Grabiten miliarda euro që vlen ajo pronë publike. Është cenuar autonomia vendose me të cilën vetëqeveriset Durrës. Është një deformim brutal i barazisë së subjekteve dhe konkurrencës dhe detyrimin për të mos krijuar avantazhe financiare për subjektet. Me këtë kontratë që është firmosur sërish qeveria bën të mundur që investimi që do të bëjë shteti shqiptar do të jetë me humbje.

Qytetarët shqiptarë duhet të investojnë sërish 2 mld euro. I mundësohet investitorit privat që të fitojë me shumëfish në raport me atë që investon. Porti i Durrësit që në vitet e para do të pushojë së ekzistuari dhe do të bëjë të pamundur një zhvillim jo vetëm të qytetit por të gjithë Shqipërisë. Do i drejtohemi me një padi të dytë gjykatës Kushtetuese. Ne do i shkojmë deri në fund. Askush nuk do na bllokojë në hetimin e kësaj afere grabitqare. Do e ndjekim në çdo rrugë”, tha ai.

Të fundit