PD Gjirokastër denoncon aferat korruptive të kryebashkiakut, Flamur Golemi

 Partia Demokratike, Dega Gjirokastër, nëpërmjet Armando Rabi, Sekretar për marrëdhëniet me publikun dhe median denoncon publikisht aktet korruptive të kryetarit të Bashkisë Gjirokastër, Flamur Golemi, lidhur me abuzimet e rënda me tenderët dhe fondet publike.

Rabi, deklaroi se, institucionet përkatëse të drejtësisë, të cilat duhet të marrin masa urgjente për të ndjekur penalisht përgjegjësit!.

Deklarata

Përshëndetje!

Partia Demokratike, Dega Gjirokastër, denoncon publikisht aktet korruptive të kryetarit të Bashkisë Gjirokastër, Flamur Golemi, lidhur me abuzimet e rënda me tenderat dhe fondet publike.

Sipas raportit të Kontrollit të Lartë të Shtetit (KLSH), janë evidentuar shkelje serioze në zbatimin e projekteve dhe përdorimin e buxhetit.

Duke i shkaktuar një dëm të madh  financiar  bashkisë Gjirokastër.

Një nga kontratat problematike është ajo për rikonstruksionin e Ujësjellësit në fshatin Lazarat, për të cilën janë shpenzuar 171 milionë lekë nga bashkia Gjirokastër ku sipas raportit të KLSH-së kompanitë fituese të tenderit nuk i  kanë kryer punimet në përputhje me dokumentet standarde për projektin teknik te miratuar!!

Për pasojë, bashkisë Gjirokastër i është shkaktuar një dëm ekonomik i konsiderueshëm prej 171 milionë lekësh, i cili nuk është  adresuar apo rikuperuar nga  kryetari bashkisë, Flamur Golemi.

Në raportin e KLSH theksohet se, pas auditimit të detajuar mbi projektin fillestar, preventivin bazë dhe preventivin e rishikuar, sipas inspektimeve në terren, janë konstatuar  probleme në punime të pa realizuara sipas standardeve.

Kompanitë BO “B II” shpk, “A. K.” shpk dhe “Me” shpk, të cilat ishin përzgjedhur për realizimin e projektit gjatë viteve 2020-2021, nuk kanë përmbushur detyrimet e tyre sipas kontratës.

 Nga verifikimet në terren ka rezultuar një dëm ekonomik konkret prej 171 milion lekësh ndaj bashkisë Gjirokastër.

Ky është një ndër abuzimet flagrante te kryetarit bashkisë Gjirokastër.

Kërkesa jonë  është për Institucionet përkatëse të drejtësisë, te cilat duhet të marrin masa urgjente për të ndjekur penalisht përgjegjësit!

Kjo është një çështje që kërkon ndërhyrje të menjëhershme dhe transparencë të plotë.

Faleminderit!