Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Peleshi sfidon ‘Kushtetuesen’, PD: Thirrja e Këshillit të Rregullores pa pritur vendimin, akt i paprecedent

Politiko 10 Prill 2026, 14:17

Peleshi sfidon ‘Kushtetuesen’, PD: Thirrja e Këshillit të

Grupi Parlamentar i Partisë Demokratike ka reaguar pas njoftimit të Kryetarit të Kuvendit për thirrjen e mbledhjes së Këshillit për Rregulloren, Mandatet dhe Imunitetin më 15 prill 2026, në orën 12:00, me rend dite shqyrtimin e ndryshimeve në Rregulloren e Kuvendit.

Sipas PD-së, ky vendim vjen në një moment kur projektvendimi në fjalë përfshin dispozita që, sipas tyre, janë shfuqizuar njëzëri nga Gjykata Kushtetuese, duke ngritur shqetësime për injorim të autoritetit të saj dhe shkelje të parimeve të shtetit ligjor.

Në reagim theksohet se edhe më herët Kryetari i Kuvendit, Niko Peleshi, ka refuzuar për tre muaj thirrjen e këtij Këshilli për shqyrtimin e kërkesës së SPAK për autorizimin e arrestimit të ish-zëvendëskryeministres Belinda Balluku, me argumentin se po pritej zbardhja e një vendimi të Gjykatës Kushtetuese.

Sipas PD-së, në rastin aktual, ndonëse çështja lidhet drejtpërdrejt me vendimin e Gjykatës Kushtetuese të datës 23 shkurt 2026, Kuvendi po vijon procedurat pa pritur zbardhjen e tij, çka sipas tyre bie ndesh me nenin 132 të Kushtetutës.

Grupi Parlamentar i PD e konsideron këtë veprim si të paprecedent dhe antikushtetues, duke deklaruar se ai cenon parimet bazë të shtetit ligjor dhe dëmton besimin e publikut tek autoriteti i Gjykatës Kushtetuese.

Peleshi sfidon ‘Kushtetuesen’, PD: Thirrja e Këshillit të

REAGIMI I PLOTE

Grupi Parlamentar i PD

Tiranë, më 10.04.2026

“KRYETARI I KUVENDIT THËRRET MBLEDHJEN E KËSHILLIT TË RREGULLORES PA PRITUR VENDIMIN E GJYKATËS KUSHTETUESE”, REAGON GRUPI PARLAMENTAR I PARTISË DEMOKRATIKE: AKT I PAPRECEDENT

Kryeatri i Kuvendit ka njoftuar sot thirrjen e mbledhjes së Këshillit për Rregulloren, Mandatet dhe Imunitetin për në datë 15.04.2026, ora 12:00, me rend dite: “Shyrtimi i projektvendimit "Për disa ndryshime dhe shtesa në vendimin e Kuvendit nr. 166, datë 16.12.2004, "Për miratimin e Rregullores së Kuvendit të Republikës së Shqipërisë", të ndryshuar".

Ky njoftim bëhet në kushtet kur projektvendimi përkatës përfshinë dispozita që janë shfuqizuar njëzëri nga Gjykata Kushtetuese, duke injoruar autoritetin e kësaj të fundit dhe në shkelje të parimeve bazë të funksionimit të shtetit ligjor.

Secili qytetar i Republikës së Shqipërisë dhe partnerët tanë ndërkombëtar kujtojnë se për 3 muaj, Kryetari i Kuvendit z. Niko Peleshi refuzoi të thërriste mbledhjen e Këshillit për Rregulloren, Mandatet dhe Imunitetin për të shqyrtuar kërkesën e SPAK për autorizimin e arrestimit të ish-Zëvendëskryeministres Belinda Balluku, me arsyetimin se po priste zbardhjen e vendimit të Gjykatës Kushtetuese lidhur me një kërkesë të Kryeministrit që nuk kishte asnjë lidhje me çështjen që shqyrtonte Kuvendi i Shqipërisë.

Ndërkohë që në rastin konkret, edhe pse rendi i ditës është qartësisht i lidhur me zbardhjen e vendimit të Gjykatës Kushtetuese, të njoftuar në datën 23 Shkurt 2026, Kryetari i Kuvendit ka ftuar deputetët në mbledhje, pa pritur zbardhjen e vendimit të Gjykatës Kushtetuese. Kjo praktikë bie ndesh me nenin 132 të Kushtetutës dhe provon edhe njëherë vullnetin e mazhorancës për të injoruar zbatimin e vendimeve të Gjykatës Kushtetuese.

Duke e konsideruar këtë akt si të paprecedent, Grupi Parlamentar i Partisë Demokratike, dënon me forcë provokimin e Kryetarit të Kuvendit z. Niko Peleshi dhe e konsideron njoftimin e bërë prej tij për të mbledhur Këshillin për Rregulloren, Mandatet dhe Imunitetin, ende pa u njoftuar vendimi i zbardhur i Gjykatës Kushtetuese, si një veprim antikushtetues, që cënon parimet bazë të shtetit ligjor dhe cenon besimin e publikut tek autoriteti i padiskutueshëm i vendimeve të Gjykatës Kushtetuese.

Të fundit