Përgjimet e anti-mafias, Duma: Ndërtimi, ‘lavatriçja’ e parave të krimit, Besnik Halili ka marrë mbi 100 tendera pa garë

Ish-deputetja e PD, Grida Duma

Ish-deputetja e PD, Grida Duma deklaron se ndërtimi është sektori më i rëndësishëm ku pastrohen paratë e pista në Shqipëri.

E ftuar në Tempora Duma foli edhe për biznesmenin Besnik Halili i cili u përmend në përgjimet e antimafias italiane të botuara prej ditësh, i cilësuar si “Nik”. Sipas Dumës, Halili ka marrë mbi 100 tendera pa garë.

“Kemi një Shqipëri që rreth 40% e ekonomisë është informale. Paraja e zezë në shumicën e rasteve është para e zeze, sigurisht që jo gjithmonë vjen nga droga. Një ndër sektorët më të rëndësishëm ku pastrohen paratë është ndërtimi, pastaj vijnë PPP-të.

Mediat thonë se ky individi është Besnik Halili që rezulton me 197 tendera ku pjesa më e madhe është kryer pa garë. Ty të vjen individi brenda përgjimet me tendera pa garë. Të gjitha këto lidhen logjikisht, sepse të vjen me antimafia, jo në biseda tavolina. Ky individ është në majën e kupolës së atyre që kanë marrë tendera pa garë. Dalin edhe raporte kur ministrat vitet e fundit ministrat kanë trefishuar pasurinë”, tha ish deputetja.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm