"Ramës iu mbyllën dyert e Mynihut", Berisha: Përfundoi duke “u puthur me Dashin”

Kryetari i Sali Berisha deklaroi në një konferencë me gazetarët se kryeministrit Edi Rama i janë mbyllur dyert e aktiviteteve më të rëndësishme ndërkombëtare, duke përmendur si rast të fundit mungesën e tij në Konferenca e Sigurisë në Mynih.

Berisha u shpreh se Rama, ndonëse kishte planifikuar udhëtimin dhe sipas tij kishte bërë prenotime e përgatitur komunikata, nuk mori pjesë në konferencën e Mynihut.

“Ekziston shprehja popullore ‘puthu me Milon’, por sot kjo është ‘puthu me Dashin’. Rama që kishte bërë gati salltanetet dhe komunikatat për Konferencën e Mynihut, nuk shkoi dot. Ai dhe ekipi i tij e anuloi nisjen”, deklaroi Berisha.

Sipas tij, ky është rasti i dytë brenda pak javësh, pas forumit të Forumi Ekonomik Botëror në Davos, ku – sipas kreut të opozitës – Ramës i janë mbyllur dyert.

Berisha falënderoi ata që, sipas tij, kanë refuzuar takimet me kryeministrin shqiptar, duke e cilësuar këtë si një zhvillim të rëndësishëm politik.

“Brenda tre javësh, në dy aktivitetet më të rëndësishme globale, dyer të mbyllura për kryehajdutin e kombit shqiptar”, tha ai.

Kreu i opozitës theksoi se protestat e qytetarëve opozitarë kanë ndikuar në këtë situatë, duke i cilësuar ato si “zëri i ndërgjegjes kombëtare” që, sipas tij, po jehon në Europë dhe më gjerë.

Deklaratat e Berishës u bënë publike përmes Zyrës së Medias dhe Komunikimit të Partia Demokratike e Shqipërisë.

 

PJESE NGA DEKLARATA

Ekziston shprehja popullore, puthu me Milon, por sot kjo është, puthu me Dashin.
Edi Rama sot që kishte prenotuar hotele, salltanete dhe bëhej gati komunikata të parafabrikuara të na dërgonte nga konferenca më e rëndësishme vjetore e sigurisë në botë, që është Konferenca e Mynihut, nuk shkoi dot.
Ai dhe ekipi i tij nuk u nis dot për Mynih, e anuloi.
Batoni me një pjesë të ekipit është në Mynih duke e pritur, por Rama, thashë edhe njëherë, ajo që thotë populli puthu me Milon, u bë sot e vërtetë, puthu me Dash Sulën.
Ky është një akt për të cilin do të shpreh mirënjohjen më të madhe të gjithë atyre që i refuzuan takimet narkodiktatorit të Tiranës.
Të gjithë atyre që i anuluan takimet e fiksuara para vizitës së tij në Bruksel.
Të gjithë atyre që e bënë me qëndrimet e tyre Edi Ramën mish të huaj, trup të huaj në atë konferencë dhe ia mbyllën dyert.
Pra, në një hark kohor trejavor, në dy aktivitetet më të rëndësishme, absolutisht më të rëndësishmet të vitit, në forumin global të Davosit dhe në Davosin e sigurisë, që është Konferenca e Mynihut, dyer të mbyllura për kryehajdutin e kombit shqiptar.
Nderimin më të madh qytetarëve opozitarë, të cilët me protestat e tyre, u bënë zëri i ndërgjegjes kombëtare të shqiptarëve.
Të cilët me revoltën e tyre, me kryengritjen e tyre paqësore, u bënë zëri i ndërgjegjes qytetare dhe kombëtare të kombit shqiptar.
Dhe ky zë po jehon në Europë dhe në botë.
Ishte ky zë, i cili sensibilizoi, i cili nxiti, ndihmoi, lehtësoi, vendimet më të rëndësishme ndaj një personi që është armik i rrezikshëm për kombin shqiptar, edhe një armik i vërtetë për sigurinë e Europës dhe NATO-s, që quhet Edi Rama.

ZYRA E MEDIAS DHE KOMUNIKIMIT, PARTIA DEMOKRATIKE