Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Rënia e “E-Albania”, PD: Pas lajmit për hakerimin mund të fshihen rrjedhje të tjera të të dhëna sensitive publike

Politiko 18 Korrik 2022, 16:36

Rënia e “E-Albania”, PD: Pas lajmit për hakerimin mund

Të gjitha faqet qeveritare, përfshirë platformën e-Albania kanë dalë përkohësisht jashtë shërbimit. Agjencia Kombëtare e Shoqërisë së Informacionit si fillim dhe Kryeministria më pas njoftuan se bëhet fjalë për një sulm kibernetik nga jashtë vendit.

PD ka reaguar lidhur me këtë situatë prej mesditë së të dielës. Anëtari i Kryesisë së Partisë Demokratike Arben Ristanit në një deklaratë për mediat thotë se Rama kontraktoi kompani amerikane për sigurinë kibernetike, por sërish sipas tij patronazhistët mbeten në shërbimin e plotë të qeverisë. 
PD paralajmëron se pas lajmit për hakerimin mund të fshihen rrjedhje të tjera të databazës dhe të dhëna sensitive publike.

Deklarata e plotë: 

Qeveria ka njoftuar sot për një sulm kibernetik kundër sistemeve qeveritare dhe faqes e-albania.

Me gjuhën e një skenari hollivudian, me hakera dhe armiq ndërkombëtarë, duket se qeveria po mundohet të fshehë më shumë se të zbulojë.

Më i pabesueshëm bëhet hakerimi po të kujtojmë rekordet thuajse kriminale të qeverisë sa i takon privatësisë së qytetarëve.

Partia Demokratike risjell në vëmendje rastin e patronazhistëve, të cilët kishin në duar të dhëna të qytetarëve shqiptarë, të siguruara përmes të njëjtit sistem, për të cilin sot thonë se është hakeruar.

Në një rast të dytë të paprecedent, punonjësit e së njëjtës administratë nxorën të dhëna sensitive të qytetarëve, që nga rrogat, të dhënat personale e me radhë.

Një qeveri që ka një rekord të tillë në trajtimin e bankës së të dhënave të nënshtetasve, duket e pabesueshme kur thotë se ka rënë pre e metodave të veta.

Kur të tjerët e trajtojnë ashtu si ajo trajton qytetarët e vet, për shqiptarët kjo nuk përbën lajm, por pazotësi të qeverisë. Partia Demokratike, duke njohur ‘instrumentet e së keqes’ që përdor Rama, paralajmëron publikun se, pas lajmit për hakerimin mund të fshihen rrjedhje të tjera të databazës dhe të dhëna sensitive publike.

Kur kjo të ndodhë, Shefi i Shtabi të Përgjithshëm të Patronazhistëve, do t’ja hedhe fajin hakerimit të bërë nga ‘forca të panjohura’.

Të fundit