Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Aksident i rëndë pranë TEG-ut, një betoniere bie nga mbikalimi në autostradë

Facebook, Instagram dhe Messenger jashtë funksionit për shumë përdorues!

Viktima e dytë nga moti i keq në Sarandë, gjendet i pajetë në det një peshkatar

Shkelën procedurat e punësimit të Muçi Shaljanit, 6 muaj burg për dy ish-zyrtarët e AMP-së

Ditari i Opozitës

Rezoluta antikorrupsion, Topalli: Seanca më e rreme e parlamentit

Politiko 28 May 2024, 22:06

Rezoluta antikorrupsion, Topalli: Seanca më e rreme e parlamentit

Ish-kryetarja e parlamentit, Jozefina Topalli komentoi rezolutën antikorrupsion të miratuar dje nga socialistët me 76 vota në Kuvend. 

Duke folur në tubimin qytetar, Topalli tha se dje ka qenë seanca më e rreme e parlamentit shqiptar, ajo ku u fol që Edi Rama do të luftojë korrupsionin.

"Do të luftojmë luftën kundër korrupsionit, dëgjova dje gjithë ditën një refren. Seanca më e rremë që kam parë në të gjithë historinë e parlamentit në 3 dekada.

Sa herë flitnin që do luftonin kundër korrupsionit me vinin ndër mend: Ministrja me burrin strategjik. Më kujtoheshin spitali dhe urgjenca që nuk punojnë prej korrupsionit. Më vinte ndërmend regjimi i 5D, më i neveritshmi, skema më e pabesueshme që mund të adaptohej në Shqipëri.

Më kalonin përpara korruptimi i McGonigal. Më dilte përpara ish-kryetari i partisë i korruptuar. Më dilte përpara gjenerali Lisi i korruptuar me 23 mijë metra katrorë në bregdet. Më dilnin përpara ligjet e porositura.


Më dilte përpara fshati turistik përpara së të hiqnin ligjin për zonat e mbrojtura. Më dilnin përpara të gjithë tenderat me të kuqe.

Më dilte përpara një skemë e inceneratorëve, skena më e paimagjinueshme që ka grirë çdo qindarkë në xhepat e pensionistëve, punonjësve, njerëzve të ndershëm.

Ata flisnin për rezolutën kundër korrupsionit si gjëja me e rremë, më e pavërtetë, por me një hile të madhe përpara, se pasi kanë futur në arrest liderin e opozitës, ata duan të shpetojnë shokët e luftës së tyre nga dënimet për shkak të korrupsionit të pabesueshëm që ata bëjnë.

Ata i kanë bërë vrasësit me porosi, investitorë strategjik. Duan të na lenë ne pa kryetarin e opozitës në vitin elektoral, pas 13 vitesh që janë në pushtet", tha Topalli.

Të fundit