Rezoluta e IDC CDI, Këlliçi: Historike, dënohen arrestimet politike

Drejtuesi politik i Partisë Demokratike për Tiranën, Belind Këlliçi, e ka quajtur historike rezolutën e miratuar nga organizata më e madhe e partive politike të qendrës së djathtë në botë, IDC CDI, e cila bashkon 109 parti politike nga e gjithë bota. Rezoluta është miratuar në mbledhjen e Komitetit Ekzekutiv të organizatës në Siem Reap të Kamboxhias.

Këlliçi theksoi se rezoluta dënon arrestimet politike dhe dhunën ndaj opozitës shqiptare, duke përmendur raste konkrete të abuzimeve me ligjin si arrestimi dhe izolimi i Kryetarit të Partisë Demokratike, Prof. Dr. Sali Berisha, pa prova dhe duke përdorur dokumente false.

Ai gjithashtu përmendi rastet e arrestimit të ish-presidentit Ilir Meta, proceset politike ndaj Fatmir Mediut dhe dënimin e padrejtë të deputetit Ervin Salianji, si dhe arrestimin e Fredi Belerit, ish-kryebashkiak i Himarës.

Rezolutë historike!

Si asnjë rezolutë e mëparshme, organizata më e madhe e sotme e partive politike të qendrës së djathtë në botë IDC CDI, e cila bashkon 109 parti politike të qendrës së djathtë nga e gjithë bota, në mbledhjen e Komitetit Ekzekutiv të mbajtur në Siem Reap të Kamboxhias, miratoi një rezolutë. e cila:

1. Dënon ashpër lidhjet e Narco State të drejtuar nga Edi Rama me kartelet e drogës në Amerikën Latine, duke e kthyer Shqipërinë në një makinë pastrimi parash.

2. Dënon arrestimet politike dhe rrahjen e opozitës shqiptare me kryesimin e Partisë Demokratike ku merren shembuj konkretë të izolimit në arrestin shtëpiak të Kryetarit të PDSH Prof. Dr. Sali Berisha, pa prova, pa fakte, pa aktakuzë dhe bazuar në dokumente false, rrëmbimi dhe arrestimi brutal i ish-presidentit/kryeministrit dhe kreut të PL Ilir Meta, procesi politik që po zhvillohet ndaj kreut të PR Fatmir Mediu, dënimi me burg politik i deputetit të PD-së Ervin Salianji për një akuzë të rremë jo. kryer prej tij dhe arrestimin politik dhe goditjen e ish-kryebashkiakut të zgjedhur të Himarës Fredi Beleri.

3. Mbështet përpjekjet e opozitës shqiptare dhe luftën e saj të guximshme për zgjedhje të lira e të ndershme dhe për rivendosjen e qeverisjes demokratike dhe mbrojtjen e të drejtave themelore në vend.

4. Duke theksuar rëndësinë e luftës kundër krimit të organizuar dhe trafikut të drogës si një detyrë jetike për një vend anëtar të NATO-s dhe kandidat të BE-së, duke nënvizuar nevojën urgjente për të prerë fijet që lidhin krimin me votën.

5. Nevoja për një sistem drejtësie të pavarur e cila nuk përdoret si armë për të luftuar kundërshtarin politik, por garanton të drejtat dhe liritë e qytetarëve shqiptarë.

6. Nevoja e vendit për një qeveri teknike të bazuar në modelin e Maqedonisë së Veriut, për të lehtësuar procesin zgjedhor dhe për të garantuar integritetin e zgjedhjeve.

7. CDI do të ndjekë nga afër zhvillimet në Shqipëri dhe do të mbështesë anëtarët e saj në zgjedhjet e ardhshme parlamentare në mbështetje të rrugëtimit europian të Shqipërisë.

Miqtë e mi,

Një rezolutë e tillë, kaq e qartë, konkrete dhe që vë gishtin në plagët kryesore të vendit tonë, duke e krahasuar vendin tonë edhe me Bjellorusinë e Lukashenkos, me të cilën Edi Rama ka darkuar pak ditë më parë, nuk është miratuar kurrë.

Ky sinjal i qartë, se miqtë e Partisë Demokratike dhe të vendit tonë kanë larguar sytë dhe mendjen nga ne, është një mesazh dhe mbështetje e fortë në momentin e duhur.

Zgjedhjet e ardhshme janë jetike për Shqipërinë dhe ne duhet të bëjmë gjithçka për të rikthyer shpresën tek shqiptarët dhe për ta kthyer vendin në shinat e shtetit ligjor dhe drejtësisë.