Flash News

E rëndë! Fëmija vdes në maternitet dy ditë pas lindjes, e dëmtojnë mjekët

Këshilli i Drejtues i RTSH-s nis nga e para garën për Drejtorin e Përgjithshëm

Moti i keq shkakton përmbytje në ishujt grekë Paros dhe Mykonos

“Defender Europe 25”, Kosova pret stërvitjen më të madhe ushtarake në Evropë

Osmani cakton 15 prillin si datë për konstituimin e Kuvendit të Kosovës

Ditari i Opozitës

Rikthimi i 3-të i Berishës në krye të PD-së, mbështetja nuk “u thye” përballë presionit

Politiko 23 Maj 2022, 09:35

Rikthimi i 3-të i Berishës në krye të PD-së,

Sali Berisha u rikthye sërish në krye të Partisë Demokratike. Vendimi “non grata”, i cili e detyroi atë t’i rikthehej fuqimisht politikës, nuk e penalizoi, madje as presoni i ndërkombëtarëve që do t’i ndërprisnin marrëdhëniet me PD-në, nëse Berisha rikthehej, pasi dje u dëshmua se demokratët janë me të.

Ai arriti të merrte thuajse të gjitha votat kundër rivalit të tij në garë, Ibsen Elezit. Për këtë të fundit, Berisha tha pas fitores: “Një përshëndetje të veçantë kam për Ibsen Elezin, për rivalin tim i cili si demokrat i vërtetë zhvilloi një garë të qytetëruar”.

Ky është rikthimi i tretë i Berishës në krye të Partisë Demokratike, forca më e madhe opozitare në vend. Ai erdhi në krye të PD-së në vitin 1991 dhe e drejtoi partinë për një vit, pasi më pas u zgjodh President.

Berisha u rikthye përsëri në ’97 dhe qëndroi si kryetar i PD-së deri në 2013-ën, kur dha dorëheqjen. Nga 2013-ta ai ka qenë deputet në Kuvend, por i distancuar nga debati publik.

Vendimi “non grata” për korrupsion, që u vendos nga Departamenti Amerikan i Shtetit rreth një vit më parë, bëri që Sali Berisha të rikthehej për të pastruar dinjitetin, sikurse deklaronte vetë ai.

Ndërsa aksionin politik e nisi në muajin shtator, kur ish-kryetari Lulzim Basha e përjashtoi nga grupi parlamentar pas presionit ndërkombëtar. Berisha nisi “Foltoret”, të cilave iu bashkuan shumica e demokratëve dhe zyrtarëve të lartë të partisë. Lëvizja e tij erdhi duke u konsoliduar përgjatë këtyre muajve, duke e sjellë atë sërish në krye të PD-së.

Siaps Berishës, rikthimet kanë treguar se janë histori suksesi.

“Rikthimet në histori kanë qenë vetëm suksese, është e vërtetë se unë rikthehem pas 8 vitesh por nëse më pyet dikush çfarë ndryshimesh ka Berisha i 2013 me atë të 2021. Mund t’ju them se flej më pak se në 2013 punoj më shumë dhe lexoj më shumë”, deklaroi Berisha disa muaj më parë. 

Të fundit