Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Rrëzohet kërkesa e PD për hetime për Portin e Durrësit, Spaho: Maxhoranca vepron me arbitraritet dhe abuzim

Politiko 13 Prill 2023, 12:33

Rrëzohet kërkesa e PD për hetime për Portin e Durrësit,

Konferenca e Kryetarëve rrëzoi kërkesën e Partisë Demokratike për të ngritur një komision hetimor për Portin e Durrësit.

Deputeti Edmond Spaho tha në një intervistë për MCN Tv se ishte një veprim arbitra i maxhorancës që nuk lejon opozitën të kontrollojë punën e qeverisë. Spaho shtoi se Kushtetuta thotë se Kuvendi është i detyruar të ngrejë një komision hetimor të kërkuar nga deputetët.

Sipas deputetit demokrat, kemi të bëjmë me një abuzim të pushtetit qeveritar, ku maxhoranca vepron me standartin “kur e dua unë një komision e ngremë, dhe kur nuk e dua jo”.

“Nuk është hera e parë që maxhoranca vepron me arbitraritet dhe nuk lejon ngritjen e komisioneve hetimore e cila lejon opozitën për të kontrolluar punën e qeverisë. Kështu ka vepruar dhe me rastin e McGonigal apo fluturimet e Ramës me avion privat dhe për Portin e Durrësit i njëjti qëndrim dhe i njëjti ‘argument’ sepse kushtetuta e ka të qartë që kuvendi është i detyruar të ngrejë komisionin hetimor kur një numër i caktuar deputetësh e kërkojnë atë. Edhe ligji për komisionet hetimore të njëjtën gjë përcaktojnë.

Vendimet që gjykata kushtetuese ka marrë në harkun e shumë viteve është e qartë se komisioni duhet të ngrihet, por këtu kemi të bëjmë me abuzimin e pushtetit nga maxhoranca që kur dua unë e ngremë komisionin dhe kur nuk dua unë jo, pra kemi të bëjmë me një abuzim nga maxhoranca që sillen si diktaturë e mirëfilltë dhe gjejnë argumente qesharake që do të rishikohet ligji. Ne duam të kontrollojmë punën e qeverisë. Çështja e portit të Durrësit nuk është ngritur vetëm nga opozita por dhe nga Komisioneri evropian dhe së fundmi komisioneri për zgjerim na u përgjigj me një letër që shqetësimi është real dhe që BE po e ndjek me vëmendje”, tha Spaho.

Të fundit