Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Shehaj: Rama do përdorë amnistinë fiskale për të shpëtuar Klodian Zoton dhe ministrat

Politiko 7 Korrik 2022, 15:45

Shehaj: Rama do përdorë amnistinë fiskale për të

Deputeti demokrat Agron Shehaj deklaroi sot nga Kuvendi se kryeministri Edi Rama do të përdorë amnistinë fiskale për të shpëtuar hetimin e Klodian Zotos dhe ministrave, si të përfshirë në aferën e inceneratorëve.

Nga foltorja e Kuvendit, Shehaj tha afera e inceneratorëve është një skemë e mirëfilltë evazioni fiskal ku faturat fiktive që iu jepeshin klientëve, përdoreshin për të justifikuar paratë e kompanive që nuk bënin asnjë punë.

“Kjo është një skemë e mirëfilltë evazioni e vënë në jetë nga vetë qeveria. Miliona i janë vjedhur qytetarëve. Pse lind nevoja për krijimin e qindra kompanive fiktive në ekonomi. Për t’i mundësuar Klodian Zotove të vidhnin miliona euro nga buxheti i qytetarëve. Si do të justifikoheshin këto para kur kompanitë nuk kanë asnjë punë? Shumë e thjeshtë! Me fatura fiktive. Faturat fiktive duhet që t’i mundësojnë klientëve të qeverisë që të paguajnë ryshfetin te qytetarët.

Kjo është arsyeja pse përfituesit janë oligarkët. Skema e evazionit është zbuluar që në vitin 2018. U dënuan disa nga ata persona. Nuk e pa administrata tatimore që blerësi më i madh i faturave fiktive ishte Klodian Zoto? Pse nuk u bllokua Inceneratori kur u panë ato fatura? E mbani mend Edi Ramën që thoshte jam krenar për Inceneratorët? Ja pse kjo është krenaria. Tani jeni të ndërgjegjshëm që jeni brenda kësaj skeme.

Keni kryer një krim të madh dhe tani tentoni të përdorni pushtetin. Edi Rama tenton të bëjë amnisti fiskale për të shpëtuar veten. Do të ndalojë me ligj për të hetuar Klodian Zoton për të shpëtuar ministrat. Kjo nuk ka për të ndodhur. Edhe nëse ju i blini ato pak vota për të amnistuar miqtë tuaj nuk kanë për të shpëtuar dot. Ne nuk mund të lejojmë një ligj që amniston korrupsionin galopant të pushtetarëve”, tha Shehaj.

Të fundit