Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Shembjet e shtëpive te "5 Maji" bëjnë bashkë demokratët e Berishës dhe të Bashës, akuza ndaj qeverisë

Politiko 19 Janar 2022, 11:15

Shembjet e shtëpive te "5 Maji" bëjnë bashkë

Situata e krijuar sot në zonën e "5 Majit", ku IKMT nisi aksionin për shembjen e 430 banesave mblodhi në terren demokratët pro Sali Berishës dhe mbështetësit e Lulzim Bashës.

Në mbështetje të banorëve shkruan anëtarët e Komisionit të Rithemelimit Klevis Balliu dhe Ervin Minarolli si dhe deputetja Dhurata Çupi.

Balliu dënoi sjelljen e policisë dhe të punonjësve të IKMT, ndërsa kërkoi largimin e drejtuesit të saj, Mariglen Qatos. Ai shtoi se asnjë vendim nuk mund të ekzekutohet për sa kohë çështja është në hetim. Sipas Balliut, Qato ka fyer dhe kërcënuar banorët e kësaj zonë.

"Me ligjin aktual në Shqipëri, asnjë shtëpi që është në proces legalizimi nuk mund të shembet, nëse i kanë marrë në kontroll gjithçka me gjykata dhe e dinë që shtëpia nuk do të legalizohet, atëherë pse disa janë legalizuar dhe disa të tjera jo. Drejtori i IKMT e ka kërcënuar me fjalë fyese, fjalë të ndyra një zonje në moshë dhe Mariglen Qato duhet shkarkuar.

Nuk mund të sillet si halabak duke fyer nëna e shqiptarëve, banorët kanë çuar kërkesën për dialog, nuk i ka kthyer përgjigje, policët të mos ndërhyjnë për sa kohë është kjo çështje në hetim, ju e dini shumë mirë që për afera tjera e kanë ngrënë shokë tuaj që të mbrohet drejtori, një shtëpi që është në proces legalizimi nuk preket, ka një çështje që po hetohet, e keni në SPAK dhe Prokurorinë e Tiranës, nuk kemi asnjë deklaratë", tha Balliu.

Ndërkohë deputetja Çupi e cilësoi një rast abuziv. Duke ngritur si shqetësim mungesën e një vendi ku do të qëndrojnë qytetarët, ajo tha se historia e shembjes së shtëpive ka ardhur me qeverinë Rama. Çupi theksoi se banesat po shemben për të ngritur pallate, sikurse ka ndodhur edhe në raste të tjera.

"Janë trishtuese këto pamje këtu tek 5 Maji. Shkatërrohet shtëpia, shkatërrohet pasuria. Që nga 2013-a, ne kemi parë shtetin e Edi Ramës që vetëm shkatërron. Shkatërron shtëpitë e qytetarëve, i nxjerr jashtë. Shkatërron rrugët, shkatërron gjithçka vetëm për të ndërtuar për vete.

Këtu po shkatërrojnë 430 shtëpi të qytetarëve, pasi nuk i kanë legalizuar përfundimisht. Ju i dini premtimet për t’i legalizuar të gjtihë, kur u marrin votën dhe sapo mbarojnë votimet, nis shkatërrimi i pronës. Kemi ardhur këtu me kërkesën e banorëve nga komisioni i ligjeve, jo vetëm për të qenë krah qytetarëve, por edhe për të parë dokumentacionin për kallëzimet që do të bëjnë qytetarët. Për t’iu drejtuar SPAK-ut për rindërtimin në përgjithësi, por dhe për rastin e 5 Majit. Është një rast abuziv", tha deputetja.