Flash News

Gjykata e Lartë publikon listën e kandidatëve për KLGJ, 7 gjyqtarë në garë për 3 vende

Nga arka te thesi me para, pamjet filmike zbulojnë lëvizjet e ish-shefes së financës në Postën e Durrësit

Atentati në Elbasan, dyshohet se objektivi ishte nipi i “Ot Kilës”

Berisha akuza të forta Ramës: Transportoi para me avionin privat, do rikthejmë kërkesën për komision hetimor

‘Po zbrazet vendi’, sondazhi i IRI godet qeverinë: Emigrimi dështimi numër një, pas tij korrupsioni dhe çmimet

Ditari i Opozitës

Shoqërimi i Alimadhit, policia: Kishim informacion se në lokal viheshin baste, AMP nis verifikimet

Politiko 5 April 2025, 10:38

Shoqërimi i Alimadhit, policia: Kishim informacion se në lokal

Policia e Tiranës ka dalë me një komunikatë për mediat pas publikimit të pamjeve, ku një grup efektivësh shoqëruan dhunshëm kryetarin e Ballit Kombëtar, Adriatik Alimadhin, në ambientet e lokalit të tij. Sipas Policisë, Alimadhi po i kërkonte llogari atyre për një kontroll që po ushtronte Policia në një ambient privat, pa një vendim gjykate.

Në njoftimin e Policisë, bëhet e ditur se Adriatik Alimadhi është proceduar penalisht për veprën penale "Kundërshtim i punonjësit të rendit publik." Kontrolli në lokalin e vëllait të Alimadhit u realizua pasi dyshohej për veprimtari të paligjshme, si lojëra fati dhe baste sportive.

"Ky shtetas dyshohet se, gjatë një kontrolli të ushtruar nga shërbimet e Policisë, ka refuzuar të zbatojë urdhrat e punonjësve të Policisë, duke i kundërshtuar verbalisht dhe fizikisht dhe ka tentuar të largohet nga ambienti, pavarësisht kërkesës për të qëndruar deri në përfundim të procedurës," thekson Policia.

Përsa i përket sjelljes së efektivëve që shoqëruan dhunshëm Alimadhin, Agjencia e Mbikëqyrjes Policore ka nisur verifikimin e pamjeve filmike dhe do të ndërmarrë veprime për të vlerësuar ligjshmërinë e veprimeve të Policisë.

"Agjencia e Mbikëqyrjes Policore ka nisur veprimet verifikuese bazuar në pamjet filmike të publikuara dhe pretendimet e shtetasit," njofton Policia.

Të fundit