Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

“Shqipëria, e fundit për investimet e qeverisë për COVID”, Basha: 120 mln euro për koncensione, dy paketat e qeverisë anemike

Politiko 22 Tetor 2020, 12:51
“Shqipëria, e fundit për investimet e qeverisë për
Lulzim Basha

Kryetari i Partisë Demokratike, Lulzim Basha, ka reaguar në lidhur me të dhënat e bëra publike nga Fondi Monetar Ndërkombëtar, raport i cili e rendit Shqipërinë të fundit në Europë për investimit ndaj COVID-19.

Në një konferencë për mediat, Basha i cilësoi si anemike dy paketat ekonomike nga qeveria për krizën e pandemisë.

Më tej kryedemokrati përsëriti mesazhin e ish-deputetes Jorida Tabaku, duke thënë se mesazhi për projektbuxhetin e 2021 është fakti që Rama deri në ditën e fundit që të ketë pushtet, ka për të grabitur shqiptarët, edhe kur ju kushton atyre jetë njerëzish.

“Ditën e djeshme FMN publikoi të dhënat tronditëse sa i përket braktisjes që qeveria shqiptare ka bërë në këto muaj të pandemisë.

Pas meje do të projektohet një grafik i publikuar nga FMN, i cili tregon se Shqipëria, kolona e fundit e kuqe, është në vendet në zhvillim, ka investuar 0.86 % për t’u përballur me pandeminë. Është vendi i fundit në Europë.

Tani atë që çdo qytetar e ka ndjerë në kuletën e vet, në tavolinën e tyre, atë që çdo prind e di fare mirë mbi pamundësitë për të financuar veshmbathjet, e ushqimin, atë që pacientet e dinë s’e kur COVID i sëmurë, është pamundësi, pasi Rama nuk i’u përgjigjet njerëzve.

Këtë realitet sot e keni të shpallur nga një nga institucionet e rëndësishme të botës, FMN. Një vend me dy paketa anemike, që nuk u disbursuan të plota.

Kaq lekë ndau Edi Rama, ndërkohë që shqiptarëve iu mori 40 herë më shumë si taksa, tarifa. Ja ku është e vërteta e shpalosur. Ja ku është problemi dhe përgjegjësi për këtë problem është njerëzi që në kushtet e krizës, paratë i çon në afera korruptive.

Mendja e një njeri normal do të donte që një kryeministër sado jo normal, të thoshte; kaq pak lekë sa iu kam dhënë qytetarëve, premtimet që iu dhashë, bonusin për mjekët, të paktën meqë po vjen viti i ri buxhetor të bëjë diçka.

Ça ka bërë me buxhetin e ri?! 120 mln euro për koncensione.

Ky është një njeri, i cili deri në ditën e fundit që të ketë pushtet, ka për të grabitur shqiptarët, edhe kur ju kushton atyre jetë njerëzish. Ky është mesazhi për projektbuxhetin e 2021.”, tha Basha.

Të fundit