Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Spaho në protestën e PL: Kjo do të jetë vjeshta e tubimeve, s’do lejojmë të na marrin edhe frymën e fundit

Politiko 13 Shtator 2022, 19:14

Spaho në protestën e PL: Kjo do të jetë vjeshta e tubimeve,

Deputeti i PD, Edmond Spaho është një për përfaqësuesve që mori pjesë në protestën e Partisë së Lirisë  para Inceneratorit të Tiranës.

Gjatë fjalës që mbajti, ai tha se kjo do të jetë vjeshta e protestave dhe ftoi të gjithë shqiptarët të ngrihen që të mbrojnë të drejtat e tyre.

“Jam këtu për të bashkuar zërin me ju në emër të D, për të protestuar ndaj aferës më të madhe kriminale dhe korruptive që ka ndodhur në 30 vitet e fundit. 430 milionë euro i janë dhënë Gugalles, Zotos dhe Mërtirit, për të ndërtuar 3 inceneratorë, ku jemi sot, ky është vetëm njëri nga vendet e krimit. Ku shkuan parëtë 430 milionë euro, të cilat i kanë marrë ose do vazhdojnë t’i marrin nëse ne bëjmë sehir, për të blerë zgjedhjet, për t’i dhënë ryshfet ministrave, drejtuesit të qeverisë për të blerë mediat. Në shtator të vitit të kaluar u ngrit një komision hetimor ku pjesë isha dhe unë, por çfarë tregoi koha, ky komision nuk ishte për të zbardhur aferën, por për t’i dhënë kohë Edi Ramës për të justifikuar vjedhjen. Dy nga gazetarët që kishin bërë denoncime nuk u lejuan të hynin në komision nga mazhoranca, me justifikimin se kishin konflikt interesi me ata që vodhën.

KLSH nuk erdhi të depononte. Më pas një pjesë e fakteve që janë bërë publik kohët e fundit nga PL na ishin vënë në dispozicion që në kohën kur zhvillohej komisioni, si psh kompanitë ndërmjetëse të drejtuar nga pensionistë 80-vjeçarë. Asnjëherë nuk u ftuan të tregonin se çfarë bën banda kriminale. Bëmë një Reformë të madhe në Drejtësi që nga viti 2015-të, do kapen peshqit e mëdhenj, po ku është SPAK me aferën e inceneratorëve.

A do presim të na marrin edhe frymën e fundit duke rritur taskat, për të zhvatur sa të jetë e mundur. Unë mendoj se të gjithë duhet të ngrihemi, nëse nuk i dalim zot vetes askush tjetër nuk do të kujdeset për fatin tonë. Kjo do të jetë vjeshta e protestave”, tha Spaho.

 

Të fundit