Spaho reagon pas largimit nga Komisioni Hetimor për Inceneratorët: Do të ndërmarr inisiativën për të ndryshuar ligjin

Deputeti demokrat Edmond Spaho ka bërë një reagim në rrjetet sociale, pasi vendosi të largohej nga Komisioni Hetimor për Inceneratorët.

Ai thotë se tërheqja vjen në shënjë proteste për mosdëgjimin e gazetarëve, të cilat janë marrë me çështjen e inceneratorëve, ndërsa ngre pretendime se mazhoranca po saboton hetimet.

Spaho ka ritheksuar se nuk do të marrë pjesë në asnjë Komision Hetimor derisa të ndryshojë ligji për funksionimin e tij. Deputeti kërkon që opozita të ketë shumicën në komision.

Ai thekson se “do të ndërmarrë inisiativen ligjvënëse për ndryshim në ligjin për Komisionet Hetimore Parlamentare”.

“Me keqardhje sot vendosa ti jap fund pjesmarrjes sime ne Komisionin hetimor per hetimin e vjedhjes me te madhe ne historine e shtetit shqiptar, aferes se inceneratoreve”, shkruan Spaho.

Ky i fundit rendit arsyet që e detyruan të merrte këtë vendim, të cilat i tha edhe në mbledhjen e sotme të komisionit, para se të largohej.

- Institucionet shteterore nuk permbushin detyrimin per dhenjen e informacionit sipas percaktimeve ligjore. Tre muaj ne dispozicion per te hetuar kete afere u shpenzuan vetem per mbledhje materialesh dhe te dhenash. Aktualisht nje numur institucionesh shteterore dhe private ende nuk i kane sjelle ato sipas kerkesave.

- Maxhoranca po pengon me pretekste absurde degjimin e deshmitareve per te cilet Komisioni me vote ka marre vendim per ti degjuar. Dje nuk u degjuan dy gazetare te cilet kane kryer investigime thelbesore per abuzimet ne ndertimin dhe shfrytezimin e inceneratorit te Elbasanit.

- Stafi i Kuvendit, i vene ne dispozicion te Komisionit, eshte nen presionin politik te maxhorances dhe interpreton ligjet dhe rregulloren e Komisioneve hetimore sipas orekseve te maxhorances.

- Ne rradhet e deputeteve te maxhorance ne komisionin hetimor, sipas mendimit tim, ka konflikt interesi dhe nuk duhet te jene pjese e tij. Nenkryetarja e komisionit ka marre pjese ne procedurat e dhenjes se koncesionit te inceneratorit te Elbasanit ne funksionin qe ka pasur ne ate kohe si ministre.

- Gazetaret te cilet u ndaluan dje te deshmonin, me punen e tyre kane mbrojtur interesin publik. Maxhoranca, me objektivin per te sabotuar punen e Komisionit, nuk lejoi qe ata te deshmojne. Shpreh keqardhjen qe rastit te moslejimit te deshmise se dy gazetareve nuk ju be jehone ne media.